قصتي مع جارتي
مرحبا يابنات قصتي انا قصه وماعرف اذا انا غلطانه او لا وبغيت اشاوركم ..... انا وجارتي وايد مع بعض صحبه يعني أربع وعشرين ساعه مع بعض ولما اطلع اطلعها معاي ولما اسوي غدا اطرش لها واحيانا تيي تتغدا عندي وشو ماطلبت من اكل او حاجات اعطيها المهم هي تعرفت على وحده و بسرعه البرق صحبتهم استوت قويه جدا وكل يوم هي عندها والعكس هي تعزمني يوم تيي رفيجتها واحيانا اروح واعزمها عشان تيي بيتي وتتعرف علي واتعرف عليها بس ماتيي بحجة اني حامل بشهر السابع وتعبانه وايد وماتبي تثقل علي المهم ماهتميت لهالشي وجارتي خفت جياتها على بيتي لان دايما رفيجتها عندها ....يوم من الايام كنا متفقين نحنا الثلاثه نطلع السوق اتفاجا انها طلعت هي وربيعتها وماخبرتني ولما رجعت قالتلي انها نزلت بسرعه وماقدرت تخبرني مشيتها وقلت مب مشكله المشكله بدت لما زوجها قرر يسوي عزيمه لربعه وقالت انها تبي اغراض من عندي من ملاعق وصحون وخيار ومادري شوي انا تضايقت ان يعني تسون عزيمه وماعندكم شي والمشكله تاخذ الشي وماترجعه لين انا اطلبه طنشت وقلت اوك مب مشكله وقالت انها بتيي بيتي تستخدم الفرن لان فرنها خربان قلت اوك وقالت انها بتجلس عندي لين يروحون ربع زوجها بحجة ان ماعندها غير غرفة النوم والصاله وماتبي تيلس بروحها قلت لها حياج وقت العزيمه اتفاجاه انها عازمه رفيجتها ومب مخبرتني انها بتيي هي ورفيجتها على بيتي نطرت انها تخبرني وماقالت لي هني انا انفجرت اتصلت فيها قلت لها تعالي مبجر عشان تستخدمين الفرن لان انا بطلع مع ريلي قالت كيف انا وين بروح وين بيلس قلتلها والله ماعارف انا مضطره على الطلعه ومن بعدها ماكلمتها ومن وقتها تطلع وتيي مع رفيجتها الجديده وماتخبرني ولا تكلمني .... انا بالله في شو غلطت ما احب حد يركب على ظهري واسكت هي كلمتني وقالت انا زعلانه منج سويتي فيني موقف محرج جدام رفيجتي وريلي ويلست تقول مب جي الجيران ولا الصحبه ومن هالكلام ادري طولت عليكم فسالفتي بس شو اسوي الحين العلاقه خربت بينا مع العلم ان زوجي و زوجها ربع وصار في حساسيه بينهم بسببنا