ليش ابوي كذا؟؟

صاحبةالموضوع
دوام الحال من المحال الوالده رحلت لربها الله يرحمها وراح الحنان والعطف
لبو طلب ابوكم ولاتنامي عنده ووسعي صدرك عليه ممكن فيه الي مكفيه وبعمر حرج ونفسيه
واعرضوه على طبيب اعصاب ونفسيه احتياط ممكن يحتاج فحص وعلاج

الله يعينالبر موشئ سهلالله يحنن قلبه عليك

تدرين مادري وش أقولك انا حاااااااسه فيك انا ابوي مايقولي لا ولايهاوشني ولايقولي ليش كذا وليش كذا مخليني على راحتي بس هذا مو مكفيني منه ودي يجي يجلس معي نتقهوى نسوولف أحنا في بيت واحد هو تحت هوو وزوجته وعياله وحنا فووووق ابدا مايطلع عندنا حتى أن لنا ملحق تحت خاص فينا يقدر يناديني فيه ونجلس ولايدق علي يسأالني عن اخباري او اذا ابي شي لاكن والله العظيم لو ادق اقوله ابي ماقال لا ومع ذلك هو مهملني معنويييييييا .. شوفي دام مافيه حرمه الحين عنده حااااولي تتقربين منه أرسليله على الجوال قولي يبه اشتقتلك أحبك فقدتك من هالكلام دقي عليه سولفي معه يمكن مايعطيك وجه لادقيتي بس حاووولي مره ومرتين وثلاث مع دمعتيين طلعيهم وأنتي تكلمينه وان شاء الله ربي يسخره لكم ويرحم أمك

الله يعينك فعلا شي يعور القلب بس طالما هو كذا افضل حل تقطعوة فتره وشوفي اذا دق عليك وقال ماتسالون ولا تجون قولي له انت ماتبينا وكل شي ممنوع فقلت نريحك ولا نجي ومن هالكلام عاتبه بأسلوب شديد شوي ممكن يحس وهو مرده لكم بكره لا كبر وتعب واحتاجكم من بيقوم فيه السواق لو الشغالات مافي امان لهم بهالزمن

معليش حبيبتي ولو ذا ابوك لازم البر فيهه .. ولاتقطعين عنهه الزياره حتى لو قعدكم بلملحق حاولي قدر المسطاع تروحين عنده وتسولفين معه سوي قهوه وحطي تمره مكسرات وحلا او جيبي عصيرات وقعدو معه شوي حتى لو رفض قوليله .. يبه حنا جاين نونسك شوي انت ابونا ولازم نقعد معك وتقعد معنا .. وجيبي عيالك معك ولاتخلينهم يلعبون او يحوسون ما اقصد تمنعينهم عن اللعب لاكن انا قد سارتلي مره خالاتي وخيلاني وبناتهم وعيالهم في بيت الجد والجده متجمعين وحوسه وصراخ واللي ييكي من جهه واللي يصيح من جههه واللي مدري وش سوا طبعا العيال والبنات الصغار كثار تقريبا .. المهم بعدين جدتي تضايقت مرهه وججدي تضاااايق مره يعني هم يحبون الهدوء لاكن ما قالو شي كاتمين ما يبون يقولين شي عشان خالاتي لا يزعلون ولاشي وانا حسيت وبعدين جمعت كل البزارين عندي ويلا هدوء ولا خلاص هدوء ومحاولات من التجيع كل ما اجمع بزارين يروح بزارين .. واخيييرا جمعتهم كلهم وقلتلهم خلاص هدوء حطيتهم في دائره ولعبتهم لعبه لعبه التلفون تعرفوناها كنت قاعد ادور لعبه هاديه بلا صوت وبلا هوشه وجاتني في عقلي لعبه التلفون ذي اللي تقولين كلمه والثانيه يقولها واذا قال ايش يطلع برا وحطيت انا قانون جديد فيه اللي يرفع صوته يطلع برا ومعد يلعب معنا ويا ويل اللي يرفع صوته .. المهم وسبحان الله هدا البيت هدوووء .. المهم انا عارفه اني خرجت عن الموضوع لاكن حبيت اقول ذي السالفه .. والله يصلح ويهدي ابوك ..