قصة زياره قرايبي لي

يااختي احب أنصحك نصيحه مني ونصيحة من مجربه
لاتسمعين كلام أي انسانه تحثك على زوجك وتحرضك عليه لأن والله ماتدرين عنها لو ضاقت المر من زوجها
والله اني ندماااااااااااااانه على الأيام اللي كنت أسمع نصائح اختي واطبقها وفي الأخير كرهته كره موطبيعي لدرجة اني رحت المحكمه وانفصلت عنه
وبعد طلاقي بعدة أشهر اكتشفت اختي اللي كانت تكلمني صار كلامها كله حبر على ورق وكل نصايحها عكس كلامها وتجي تترجى اني اخدمها قلت غريبه ليه ماتكلمي زوجك تقول مااقدر اكلمه قلتلها اعذريني مااقدر اساعدك
وتذكرت ايامي كل مره استشيرها واقولها عن حياتي انا وزوجي
وان شاء الله لما ربي يرزقني بالزوج الصالح راح اتمسك فيه واكون خدامه عنده واصبر عليه بقدر مااستطيع وماراح استشير اي انسانه وأي وحده تتدخل بيني وبين زوجي اضرب كلامها عرض الحائط
وماشاءالله تبارك الله واضح ان زوجك يحترمك ويقدر وزعلك عنده له قدر لا تفقديه ومع الأيام إن شاءالله زوجك راح يعوضك وراح تكوني تعيشين حياة الكل يتمناها أهم شي الدعااااااااء ادعي أن ربي يرزقه وان ربي يوفقكم لبعض


ملاحظه
انا زوجي راتبه بسيط ولا يخرجني ولا ينفق عليه وعايشه بغرفتين وأشياء كثيره صبرت عليه وكنت اقول فلانه ماشاءالله عايشه متهنيه مع زوجها والحين انا بيت اهلي لاتخسرين زوجك من اجل كلام الناس


وسامحيني طولت عليك لكني قلت صعبه اخرج مااقول شي انا مريت فيه من باب العبره

ماشاء الله على ام زوجك ليت كل امهات الازواج مثله
وانت احمدي ربك على نعمه الظاهره والباطنه وماتدرين لو ان زوجك تتمناه الف وحده و وحده على اخلاقه العاليه ف احمدي ربك ولا تفرطي بزوجك وعيالك
والله ان دوام الحال من المحال بكرى ان شاء الله تتحسن ضروغكم ويرزقكم ربي من واسع فضله

ايوة انتبهي من المخببات طالما زوجك طيب ويحترمك اهم شيء غيرك معاه فلوس بس زوجها يضربها ليال نهار ....اهم شيء الصحه والعافيه في ناس يكون معاهم فلوس بس يكون عندهم مرض مزمن ... المهم حلو انك سافرتي وغيرتي جو وحماتك جزاها الله ىخير طيبه لذلك لاتجرحي زوجك بظروفه بكره ربي يرزقه ويوسعها عليكم

الله يفرج همك ونصيحه لاتعطين اذنك لاي مخلوق يخلق مدام زوجك مايضربك ومايهينك ولايتعاطى فحمدي ربك واشكريه والحياه الزوجيه بماهي قائمه على الحلوه في قائمه على المره والدنيا ماتدوم لحد فكبري راسك ولاتهتمن لاحد لان في لحظه ربي بغير من حال لحال والله فرجها عليك وعلي وعلى امه محمد دعووووووووواتك لي ربي يسرلي ولادتي ويصلحلي عيلتي

الحمدلله زوجك مو مدمن ولا زاني ولا راعي لعن وشتم وسوء اخلاق ومن ناحية المادة اكثر من نص المجتمع هذا حاله وفكري بنعمة الابناء ابضرب لك مثال الاميرة حصة بنت سلمان التي تملك القصور والاموال وكل ما تشتهيه تجده تفقد امتلاك الذرية وشفت لها العام تغريدة تقول القصر بلا ابناء كالمقبرة الانيقة !!وبالنسبة لاواني التقديم انا وجاراتي اواني الضيوف للقهوه والحلا عاديه وبسيطة اهم شي عندنا نتزاور بيننا دورية كل خمس شهور على بساطة الاهم نتشاوف وننبسط ونسولف ونفضفض .
هي دنيا وليست جنة ❤