مو معقولة لاي مرحلة من الذل وصلتي حرام تظلمين نفسك وتظلمين اولادك معاك وهم شايفين كمية الذل كيف بتطلع شخصياتهم عمر الحب ماكان سبب للمذلة الوحدة ننصحها تصبر ع اشياء تستحق الصبر الا الاحترام ويعاملك كأنسانة انتي سمحتي لة يتمادى وينك عنة من اول خلاص الين هنا وكفاية قدري نفسك وحطي لك كرامه اتخذي قرار حازم اذا بتعيشي في ذل هذا شي راجع لك
يو يو تفكرين بالانفصال والحل سهل جدا انتي زي ماكبرتي راسه عليك تقدرين تصغرينه اسفهيه واسحبي عليه ولا كنه موجود مو لازم السوالف مع الاشكال ذي اللي ماتحترم احد معطته اكبر من حجمه مره حزنت عليك يختي انتي اللي طلعتي له ريش وانتفيه بيدك انشغلي بنفسك وحبي نفسك وعيشي لله الحياه مع الله جميله جميله جميله جدا ربي اللي خلقك ورزقك وعطاك عيال وعطاك الصحه والعافيه وعطاك هالزوج وقادر ع تغييره وهو اللي يستحق انك تحبينه وتعطينه من وقتك زوجك لابيده حياتك ولا موتك عشان تحبين رجوله واذا حركاتك ذي عشان مايطلقك ترا لو ربي كاتب ماتكملين معه ماراح تكملين لو تحبين يدينه ورجوله كل يوم اتركيه لله اهتمي بنفسك وبلبسك وحطي لك قدر وكيان خاص ولاتهملينه قومي بواجبه ورتبي بيتك ونظفيه وبخريه واهتمي بعيالك وهو خليه جدار لاتمزحين ولاتسولفين معه لين يتعدل ويحترم نفسه لاتجلسين تلاحقين فيه وبس تنتظرينه يبتسم لك اسحبي عليه وسولفي مع عيالك دامه ينتظر زله لاتحققين مناه
ليش ماعندك كرامه وليش تسوين حاجات بدون تفكير تفل بوجهك! ورجعتي واعتذرتي له وبستي رجوله والله وبالله بعد ذا م لك عنده ذرة احترام وحشيمه ارخصتي نفسك لو انه متزوج وحده قويه كان هو عند رجولها مو انتي عند رجوله افهممميي كلامي وطنشيه واعتبريه مو موجود وتحاشي الكلام معاه