تاخذ اغراضي وما تردها

كيفكم بنات والله اكتب لكم وانا مقهورة ..
انا متزوجة من 7 سنين زوجي موظف
بعد زواجي تعرفت على جارة وتقربنا لبعضنا حتى صرنا صديقات وصديقتي هذه زوجها تاجر كبير ما شاء الله والله منعم عليه من واسع فضله
الموضوع انو من كام شهر اشتهيت في سجاد غالي ورزقني ربي واشتريتو بعد ماقبض زوجي اكرامية في شغلو
المهم هي صار عندها مناسبة وسلفت مني سجادي ومرت المناسبة وما رجعته وكل مرة اقول ممكن هالمرة تحتاجو لكنها ما جابت سيرة وانا صراحة استحيت اطلبو مع انو حقي ...حتى كلمتنى مرة وقالت يافلانة ترى سجادك خرب وانا استحيت انها تعوضني بغيرو وقلت معليش ..مرت الايام وانتظرتها ترجعو وهي لاحس ولاخبر وهي كل مرة تجدد في اغراضها وأثاثها واخر مرة سمعت انها بتجدد غرفة النوم والمجلس
اللي خلاني اكتب لكم انها من اسبوعين بعتتلي سمبوسة في صحن طبعا انا كنت ناوية ارجعه لكن جاني ظرف ورحت بيت أهلي تخيلو يابنات انها بعثت تطلب صحنها وانا اللي 8 شهور استنى في سجادي ما رجع
المهم زوجي علم بالسالفة وسوالي درس وطلب اني اطلب منها ترجع سجادي مو بخل لكن حتى اتعلم ما افرط في اغراضي وقالي انهااستغلالية وموشايفة خير مع انو اغراضها كلها واثاثها كله من النوع الغالي
علموني يا بنات كيف اتصرف ارجوكم ..لاني بصراحة حسيت انها استغلالية ..وهل اقطع علاقتي فيها

37 تعليق 5,981 مشاهدة

شاركي في النقاش

سجلي الدخول لإضافة تعليق.

التعليقات

37
  1. @khzam_ngd_7

    ايه صادق زوجك خليها ترجع سجادك بالاول حتى لو هو خربان
    وش الناس هذي اللي ماتستحي ؟!
    ليش تستحين وتنحرجين من الاشكال هذي ؟
    خليك قوية شخصيه واغراضك لاتضيعينها اذا طلبتك مره ثانيه قولي ماعندي شي صرفيها هذي ماتستاهل .


    استغفرالله واتوب اليه
  2. اطلبيه منها واذا كان وسخ
    رجعيه لها وقوليلها زوجي يقول ودوه المغسلة يغسلوه ويرجعوه
    مدام هي مااستحت ومارجعته ليك وو له 8 شهور
    فلاتستحي منها
    ولاتقاطعيها ولاشي
    لانها هي بتزعل من طلبك للسجاد وغسيله وهي اللي بتقاطعك
  3. @mhtarh900

    مع احترامي لك خبله


    اشتري سجادتي بذبك القيمه واتركها لها والله من خلصت المناسبه المفروض دقيتي ولا ارسلتي رجعي سجادتي
  4. @am_knan_oaamran

    صاحبة الموضوع
    والله يابنات اللي محيرني انها مقتدرة ماليا وقادة تشتري احسن منه بعد لكنها متعودة من تشوف شئ في ايد غيرها تاخذو منو ..اما اغراضها فهي تحافظ عليهم وحاطتهم في عينيها حتى انها كل مرة تجدد وتجهز من الغالي ودايما تقول انا ما ابغى وحدة تكون احسن منى لازم انا اكون احسن واغراضي اغلى

تابعي تجارب أخرى من هذا القسم.