زوجة اخو زوجي خلت حياتي عذاب

انا يابنات من زمان متزوجه وصبرت على فقر زوجي لدرجة دخلت على فرش مستعمل وانا راضيه تقدير لزوجي وصبرت على اني سكنت في غرفه وحده تخيلو سنوات احمل وأجيب عيال ونا محشورة بهالغرفه وصابره من حبي لزوجي وتقدير له بعد سنوات طويله ربي وسع رزقنا بس قد جاني اكتئاب وكنت اطيح على زوجي واروح مستشفيات صرت لما عرفت انه اكتئاب صرت اخلي زوجي ينزلني السوق مو عشان اشتري لا عشان أوسع صدري واشوف ناس لأني اقعد بالسنه ونص وماشفت احد وصل خبر لكل أقاربنا اني زوجي كل شوي يوديني السوق وقالو ياحظها مدلعها وكل العيون صارت علي تعبت وطحت زياده وزوجي حاس فيني عند الشيوخ وكلهم يقولون حسد وعين المهم اخر شي صار معي الايام هذي ان زوجة اخو زوجي كل شوي تتهاوش مع زوجها تقول ليش ماتدلعني زي مااخوك يدلع زوجته مع ان هو مدلعها دلع مااحد يحلم فيه سفرات كل شوي ومشتريات ولدرجة وصلت فيها انها تحدد له أوقات طلوع من البيت يعني صاير زي الخاتم بااصبعها طبعا جا هو يفضفض لزوجي يقول زوجتي جننتني كل شوي تتهاوش معي بسبب دلعك لزوجتك قال زوجي الله يرحم حال زوجتي صابره وساكنه بخرابه ولا عمري جبت لها شي اما انت جايب ارض وكاتبها باسم زوجتك ومدلعها ولاعجبها المهم اليوم هذا صارت هوشه بيني وبين زوجي على سبب تافهه وقام يضربني ويضربني لين طحت عالارض بغى يوقف قلبي وبعدها يوم خلصت الهوشه يقولي انا ماضربتك تستهبلين انا تعبانه كل شوي اتهاوش مع زوجي واحس نار بصدري وبيتي كرهته اشوفه كأنه مهجور وكل شوي احلم بثعابين تقرصني وفسرت قلو حرمه حاسدتك حسد قوي ياناس قولو كيف اتقي شر حسد هالأنسانه ابي عينها تطفي عني ابيها ماعاد تفكر فيني تعرفون الحسد والعين ممكن يتسببون بالأمراض وبالموت مدري وش اسوي عشان تشيلني من رأسها والله اني وصلت حال مايعلم فيه الا الله حتى ملامحي تغيرت