بنتي عمرها ثلاث سنوات والى الان ماتمشي

الله يطمن قلبك مثل ما طمنتيني عليها ... بإذن الواحد الأحد دامها حست بالإبر والعلاج ان شاء الله تتعافى
ومثل ما توقعت عندها شد في الاوتار عليك بالمساج والتمارين الي ذكرتها لك


سوي لها المساج والتمارين وكأنها لعبه مو تحسن انها علاج لانها بتمل حاولي تلعبي معاها مثلا رجلك ورجلها مقابله بعض وتحركون رجلكم مثل السيكل .... اسويها مع بناتي نسميها سيكل سيكل هههههههههههههه
او بما انها تفهم الحمدلله حطي يدك عند رجلها وقولي لها يالله ماما حطي رجلك بيدي وشجعيها وان شاء الله تتحسن
يبي لها صبر وحركه لرجلها وان شاء الله اقل من 3 شهور تطمنينا عليها

بنات اليوم ثالث يوم بعد ما أخذت بنتي ابر البوتكس ،، ماشاء الله توقف على رجولها تمام مو مثل اول توقف على اطراف الاصابع فقط
الحمدالله يارب شفنا الفرق من ثالث يوم ،، طبعا لسا ماتوقف بلحالها لازم انا اوقف ،، اتوقع لأنها تخاف ،، بنحاول من خلال جلسات العلاج الطبيعي نعلمها كيف توقف

الحمدلله ... يارب لك الحمد ..

بإذن الله تفرحين بشوفتها تمشي قدامك بخير وعافيه

لو تعرفين قد ايش فرحت لك .. مو عارفه وش اقول وكيف اعبر

.

.

الـحـمـدلـلـه

الله يجزاك الف خير على مشاعرك النبيله ،، ويطمنك على بنيتك ويحفظها لك من كل سوء
اللهم اشفي بناتنا اجمعين ،، يارب ياكريم

أمين ... الله يسعدك ... بالله طمنيني عليها اذا مشت .. شاغله بالي اتابع موضوعك من يوم نزلتيه وسجلت بالمنتدى يوم شفتك فاقده الامل حبيت اكون معاك ومانسمح لليأس مجال ... ..،. لان اوقات يضعف الانسان ومحتاج يسمع كلام كله تفاؤل ليتجنب خيبه الأمل
.....
اوقات يجيني هالاحساس بس يوم امسكها وتضحك معاي وتنتظرني العب معاها كالعاده احس في عيونها كلام ضحكتها كلام ... وكأنها تقول لي يا ماما الدنيا لسى بخير وانا بإذن لله بخير اقارنها بيوم جبتها وبعد كم شهر والى قبل 3 شهور والى الحين الحمدلله ... ابدا ما اسمع لكلام الدكاتره اذا قالوا بتطول الحاله بتتعبون من ذا الكلام.... لان لو سمعت كلامهم او رددته على مسامعي ما راح استمر ((( أعاملها وكأنها طفله طبيعية))) بسوالفي وحركاتي والعابي معاها لانها تحس بهالشي وتتجاوب معي ..... عكس تماماً اذا عاملتها وهي طفله تعبانه ومحتاجه رعايه ....


تذكري ابداً لا تتذمري ولا تتطفشي من حالك معاها الحمدلله هم نعمه من ربي لنا ... مهما كانت حالتهم
ادعي لها دائما اقري سوره البقرة واستغفري وتصدقي بنيه شفائها ...