اللهم صل وسلم وبارك على سيدنا ونبينا محمد عدد ماذكره الذاكرون وغفل عن ذكره الغافلون
اسألكم بالله ي مشرفات ماتنقلوونه ☝
صباااح الخير حوائيات..
كيفكم
ببدأ بدون مقدمااات كل وحده تدخل وتقول كيف كانت طريقة زواجها تقليدي امه .. اخته .. خالته .. عمته جات خطبتك وتم الزواج
او كنتي تعرفينه من قبل او بينكم حب وكذا ..... ترى معرف اسولف 😅
المهم ببدا فيني
زواجي كان تقليدي بحت ولد عمتي كلم ابوي وابوي وافق بدون اي استشاره لي وتم الزواج بدون حتى شوفه شرعيه 😆
والحمدلله على كل حال
وكل وحده تقول كيف وضعها بعد الزواج مبسوطه .. راضيه .. زوجها راضي
اسمع كثير ان اللي يتزوجون بعد حب تنتكس حياتهم بعد الزواج ويتغيرون وتكثر المشاكل ...عااد من زين اللي تزوجو زواج تقليدي 😂
وكمان اسمع ان بعض الرجال ماتعجبه زوجته ويقعد متندم لأنه ماشافها قبل الزواج 😔
ياليت تقولو تجاربكم هناا
يلللللااا درعموا 💃
شاركي في النقاش
سجلي الدخول لإضافة تعليق.
التعليقات
101- تقليدي
دله علينا واحد من شيوخ جماعتنا
وهو بديره وانا بديرة
نصيب سبحان الله
والحمدلله مرتاحه ومافي حياة كامله لابد من النقصان - موضوعك اعجبني
لا انا حبيته يوم كنا ورعان نلعب سواء كانت ارانبي انا وياه سواء حنا بقريه هو ولد عمي
وسويت فيه قصيده مره عقب الملكه يوم سافر وابطى ورسلتها عليه بس ماني متذكره غير هالبيات
اعشق سواد اليل والبرق لالاح
انا وفكري والهجوس قهوتنا
نسج عن دنيا العنا يم الافراح
نطوي خيالات الفكر واتعبتنا
عز الله ان العشق للبنت ذباح
قلوبنا من سبته موجعتنا - تقليدي
وهذا اغلب مجتمعنا لكن عن حب صعبببه مااتوقع فيه واذا فيه صعب ينجح الا اذا كان تقصدين حب من بعيد لبعيد يعني مثلا حاطه واحد ببالي اتمناه وربي يكتبه لي ممكن تحصل بمجتمعنا اما يحبني واحبه واكلمه ويجي يخطبني هذي مستحيله لانه مايثق فيها وحتى لو ووثق فيها الا ماينتكسون لان الي يبدا بمعصيه ينتهي مايستمر - تقليدي زواجي كان
واؤيد الزواج في هالعصر عن حب
لان الشباب انفتحوا وهالزمن لايخلو من الحب
وصار الشاب يقول اتزوج حبيبتي ولا حبيبة غيري
وياكثر النماذج حولي عن حب ومبسوطين
الحمدلله بس اهم شيء الاستخاره والسؤال عن الشاب - اشكركم ع الرد جمييعا
رقيه الله الله صح لسانك 💃
صباااح لا اعرف كثييير تزوجو بعد تعارف وحب سنين عادي جدا
مواضيع مشابهة
تابعي تجارب أخرى من هذا القسم.