🍼التجمع(5) لأمهات يناير وفبراير2017 🍼

مرحبا فيك.

طيب ماتقدري تاخذي حجز بالطياره ؟ اسرع جدا واريح لك من السيارة .

اتذكر امي تتعب كثير من قيصريتها ،، خصوصا ان كلما زادت العمليات صار التشافي منها المره الجايه اصعب اكثر ..

الله يعينك ويسهل عليك استخيري وشوفي وضعك .

ام سلطان .

الله يجزاك خير ويعطيك ربي كل عافيه ويحرم يديك من النار على كتابة هالقائمة .💕

قريتها اول ماحطيتيها لكن بشكل سريع لاني ماقدرت اجلس على الموقع جلسه محترمه يبي لها تدقيق وتسجيل .😎

قريت قائمتك كذا مره وجايبه جوالي الان اسجل بالملاحظات اللي احتاجه منها .😉👍🏻

لو بدخل محل العطاره بدون مذكره اتوقع اول ما احط رجلي عندهم بقول انا وش جابني هنا ؟ ما اذكر ولاشي من اللي احتاجه وبطلع .😭


احس الوقت يروح وبنثقل اكثر ومابعد جهزت شي يستاهل ،، لكن والله صعب المشي مدري ليش.😓

رحت اختار سرير لعيالي دخلت المحل المطلوب وطلعنا وانا اسحب رجلي مقدر امشي ،، اضحك على زوجي اقول له مفاصلي محتاجه تزييت جب لي من زيت سياراتكم شكله اصلي .😂

انتظر ان شاء الله اتحسن شوي واروح لموعدي وبشد الهمه واحاول اخذ اللي ناقصني .🚗

مساء الخير يااماامات
كيف تكون حركة الجنين بالسادس؟ انا بثاني اسبوع فيه الحمدلله امس بدا التررفيس ولما اكون نايمة بعد بس اليوم اخف الحركة طبيعي بنات؟!
الله يهون ويسهل علينا ماتبقى يارب

مرحبا فيك .

الحركه تكون متوسطه مو قويه لكن موخفيفه او فقط رفرفه مثل الشهر اللي قبله .

واحيانا تخف كثير يومين ثم ترجعي تحسي بها .

واغلب الاوقات اللي تحسي بها اذا كنتي مرتاحه او فيه ازعاج عالي او اكلتي شي حالي .

بشكل عام الحركه موجوده لكن احيانا تحسي بها واحيانا لا لان الجنين يتحرك ولايزال عنده مساحه يتحرك بها براحته .. عكس الشهور الاخيره اللي يكون المكان ضيق عليه ويكون احساسك بالحركه اقوى .

الله يسهل ويتمم لك على خير .

🌹🌹🌹🌹🌹