كيف أتصرف معاه محتاجه نصايح الحكيمات..

الله يفرجها لك من رب رحيم
ويعوضك بأولادك يارب

اجلسي بالبيت ولاتروحين لبيت اهلك على القليله يصرف عليك وخليه يروح لزوجته بالعافيه عليها واكسبي صحتتك وانسيه اذا جا ولا راح اشغلي نفسك اشتغلي من يوم يدخل البيت لحد مايطلع لاتقابلينه نهائي واذا قال روحي لاهلك او شي قولي انت الي روح لزوجتك هذا بيت عيالي وبيتي واللي مو عاجبه يروح هو

نصيحتي لا تستعجلين بالخلع ما شاء الله عندك 4 عيال فكري بمصيرهم صعب تاخذينهم معك بيتاهلج و صعب تتركينهم لأبوهم لا تخسرين كل شي مرة وحده اقلها يصرف عالعيال خلج ببيت اهلج فكري ع مهلج و ادرسي كل الاحتمالات اضمني الوظيفة في ايدك او سوي مثل ما قالوا البنات بزنس من البيت و بعدها لكل حادث حديث
و بعد من كلامج حسيت زوجك نكدي و راعي بربرة زايدة يبغي يقهرك و بس اكيددد كلامه يوجع و اللي يسويه معك يسويه معها حسسيه انه مش فارقة معك في يومها فليها و دلعي نفسك خليه يروح لها و قلبه و عقله معك كلامي عن تجربة
ابوي متزوج ثنتين و طبيعي كان يقسم فالايام
الايام اللي يكون عند امي كنا نحس بالضيق بسبب
انه شديد وايد و عنده قواعد لااازم نمشي عليها
اما الايام اللي يروح فيها للبيت الثاني والله كنها عيد هههه امي تعزم خالتي و عيالها و نطلب عشا ونفلها و اللي يضحك ابوي كان كل شوي يتصل شو تسوون منو عندكم

يبغاك تنقهرين وتزعلين وتغارين عليه قولي سوو اللي تبغون واللي يوصف ايش يسوي مع زوجته هذا مثل الشيطان ويمكن حتى زوجته يقول لها نفس الكلام اللي يقوله لك

ادعي الله مالك غيررر الله عز وجل وهو يغيرر الامور وشغلي كل يوم سوره البقره والزلزله والله يوفقك