الحمدلله الحمدلله الحمدلله.. الوجبه السريعه سبب طلاقي//مُعدل

لاحول ولاقوة إلا بالله العلي العظيم

انا طلبت من والدتي اروح المستشفى
قالت سلامات ايش فيك
وريتها اثار الضرب.. قالت كم يوم وبيخف
قلت لها ابي اخذ تقرير طبي
قالت يابنتي مانبي فضايح.. وقلنا لك ابشري بالطلاق
واطفالك ماراح يقدر ياخذهم
جلست أتكلم معها ساعة
وهي رافضه تتحمل المسؤولية
تقول بهالامور كلمي ابوك ولاتكلميني
وابوي نايم وانا أساسا عارفه موقفه
مايبي فضايح ومايبي نقاش أصلا
وتخيلوا حتى النفقة يقول مانبيها
يقول انا اصرف على عيالك
وبشيل الجمل بما حمل
يعني شي يغبن اعرف بس مابيدي اعاند اهلي
الى الله المشتكى

لاحول ولا قوة الا بالله العلي العظيم ربي يفرجها عليك انا مع البنات خذي تقرير طبي لازم لك وصور الجوال مااتوقع تنفع ايش يضمن لهم انه هذه صورك ؟ ؟ لازم لازم التقرير ولو انا منك عليا وعلى اعدائي كنت رحت واشتكيت عليه بس اقل شي تسوينه التقرير بالله عليك طمنيني عليك متابعة لمواضيعك

أقول لكم اهلي رافضين
رافضين
رافضين
انا الود ودي اسجنه وابهذله
بس اذا كسرت كلام اهلي بيقلبون علي
ايش اعمل !!
اتحداهم؟ اتهاوش معهم؟ مايصير
كلامكم يزيدني قهر لاني مقتنعه فيه
بس امي وابوي رافضين تماما
من امس أحاول فيهم ماني قادره
وابوي يقول اتركي الموضوع علي خلاص
يقول اللي تروح مستشفيات وتشتكي ذي مالها اهل


حسبي الله ونعم الوكيل
عليه توكلت وهو رب العرش العظيم

الله يعينك ياروحي 💔💔