نظامكم مع الشغاله

شغالتي مخليتها براحتها
أهم شي الشغل تسويه صبح ظهر ليل
بكيفها أهم شي تسويه
نظامها تصحى 7 الصباح نجهز أنا وياها الأطفال للروضة
ويطلعون للروضة وهي تدخل تنام مرة ثانية
وتصحى عالساعة 10 أو 10 ونص
تكنس وتنظف وتسوي شغلها تقسمه هي بكيفها
الساعة 11 بالليل تنام
ويوم الاجازة تصحى 9 الصباح عشان تساعدني بالفطور
واذا شفتها تعبانة أقولها روحي نامي شوي
حتى لو بنص اليوم
أخليها تريح ساعة ساعتين وترجع تشتغل
أساعدها في غسيل الصحون اذا شفتهم بالمغسل


كل من يقولي
انتي مدلعتها
وأنا فعلا مدلعتها وعلاقتي طيبة معها
وأعاملها كأنها أختي وآخذ برايها في ملابس الاطفال بالسوق
ومجتمعي يكرفون الشغالة ويظلمونها ويخصصون لها صحن وملعقة وكوب
وأنا مستحيييل أسوي هالحركة شغالتي تشرب في اكوابنا وتاكل في مواعينا عادي وعقبها تغسل كل شي
فحصناها مو مريضة الحمدلله
المعاملة بعنصرية تجرحهم
الظلم ظلمات يوم القيامة

انا عيالي كبار نوعا ما مايحتاج تصحى معاهم وانا اسويلهم فطورهم وتصحى 9 ونص 10 تقوم عل البيت من تكنيس وتمسيح واول ماتبدا بغرفة عيالي وحمامهم الله يكرمك عشان لمن يرجعو يلقون غرفتهم مرتبه وبجايمهم جاهزه وبس على 12 ابدا اسوي الغدا ويرجعو من المدرسه يتغدو وينامو شويه وهي تشوف باقي أشغالها لو عندها غسيل ولا كوي ولا اي شي وكل ويكند اخليها تنفض البيت من والى من مكيفات على شبابيك على تحت الاسره والكنب وكل شي واليوم اللي بعده المطبخ من والى تُمسح الدواليب من جو ومن برى وفوقها والثلاجه نفس الشي ندفعها وتنظف تحتها يعني يوميا كنيس وتمسيح من برى ومره بالأسبوع اخليها تنفض البيت من تحت لفوق بس

تصحى الصباح تساعدني بعيالي وتنظف البيت واذا خلصت تروح تنام شوي الى قبل الظهر ..وتشتغل معي الظهر بالمطبخ الى اذان العصر وتروح لغرفتها تريح واذا عندها كوي تخلصه وما تنزل الا على سبع او ثمان تنظف المطبخ وتطلع الزباله الله يكرمك...انا اطبخ واغسل الملابس

مااخليها تصحى ساندويشاتهم تسويها من الليل في الثلاجه وانا اللي اصحيهم
تقوم ثمان ونص تسع وتسوي كل شي تنظف وتطبخ نومي لين الظهر مافي امل يتعدل خاصه اللي مثلي عندها بيبي ويسهرها جعلها الصلاح ❤ولو قمت الصبح عادي اسويه
اساعدها بعض المرات اذا صار الشغل كثيرررر
وقت العصر نخلص غدا وتغسل المواعين ترتاح بغرفتها تاخذ قيلوله الا المغرب وتقوم تكمل شغلها الا الليل تنام 11 ونص تقريبا
اذا تعبت اقول لها لاتلمسين شي ارتاحي لين تخفين واستلم الشغل بدالها
مخليتها على راحتها لاني شديده معها ولاشي زي اختي اسولف معها ونضحك عادي وطيبه معنا ونفسها زينه معي ومع
عيالي وتعشق بنتي عشق عمرها عشر شهور مرات تاخذها لغرفتها تلعبها 😂

طيب يابنات اذا عندك بنات بتقومي كل يوم ومين يمشطهم انتي او شغاله