أبغى حل لنحافة عالسريع

اذا ماتاكلين وتقولين ما اشتهي طبيعي ينزل وزنك

انتي لازمك اكل مغذي وفيتامينات ومعادن

احرصي على الثلاث وجبات الرئيسيه حتى لو ماتشتهين غصبي نفسك تاكلين لو شوي .

بعطيك نصايح جربيها وبإذن الله تشوفين نتيجه حلوه


- انصحك بالتمر بين الوجبات كلي منه 5 إلى 7 تمرات غمسيها بفنجان طحينه سايله 3 مرات كرريها على الريق الصباح وبعد الغداء بساعه او ساعتين وبعد العشاء بساعه او ساعتين .

أو


- 2 حبتين موز كليها واشربي بعدها كوب حليب مضاف له ملعقه عسل كرريها 3 مرات باليوم .

أو


- 2 ملعقه كبيره ماش مطحون + كوب حليب ساخن + ملعقه عسل اخلطيهم مع بعض واشربيه وكرريه 3 مرات باليوم .

أو


- 1 كوب حليب + ايسكريم فانيلا صغير + 2 ملعقه كبيره نوتيلا + 2 ملعقه زبدة الفول السوداني اخفقيهم واشربي منه بين الوجبات

أو

كلي كوب مكسرات مشكله بين الوجبات وكلي بعده او قبله ملعقه كبيره عسل




واسهل شي اعملي لنفسك وجبات تسمن مثل بطاطا مسلوقه واهرسيها بالشوكه مع شوي زبده وحطي فوقها جبن شيدر ودخليه الفرن ثواني من فوق يذوب وكلي منه بين الوجبات

او اعملي لك فطور يسمن مثل كوب شوفان كويكر + كوب حليب سايل + واذا احتاج نص كوب ماء + ملعقه عسل اخلطيه على نار متوسطه الى ان يثخن شوي وافطري به وتقدرين ترشين فوقه عسل او مكسرات

او جيبي كوب حليب حطيه في زبديه او صحن واضيفي له 4 ملاعق شوفان كويكر وملعقه عسل و فراوله او موز مقطع كليه بين الوجبات او اعتمديه كفطور يسمن




نصيحه اذا ناقصك فيتامينات ومعادن اعملي لنفسك مشروب يحتوي عدة فواكه وخضار واشربي منه على الريق يومياً وبترجع لك صحتك .

جربي هذا :

نص كوب اوراق سبانخ + نص كوب بقدونس + نص كوب كرفس او ملفوف اخضر او بروكولي + خياره + تفاحه خضرا + زنجبيل طازج كبر الاصبع الابهام + ليمونه او برتقاله + ملعقه صغيره بذور الكتان

اطحنيه بالخلاط الكهربائي واشربيه مليان فيتامينات ومعادن يغذي الجسم




وارجع اقول اذا بتقولين ما اشتهي او جربت الشي الفلاني واول ماتركته نزل الوزن بقول لك طبيعي ينزل لان الجسم محتاج اكل عشان يحافظ على شكله وقوته

بعد مارديت عليك حذفتي الموضوع 😂

لا آسفة مو قصدي والله بس انتضرت كثير ورجعت قلت بحذف الموضوع...
واصلي أبغى أغير إسمي ما قدرت ولا قدرت اسوي خروج نهائي قلت بحذف المواضيع وخلاص

أدري بس انا ما أقدر ما اقدر
أبغى شي يفتح شهيتي أو أي شيء
عموماً شكراً بقرأ ردك بتمعن وبحاول اسوي فيه إن شاء الله 😘

اذا تبحثين عن فاتح شهيه طبيعي اختاري من هذي الاطعمه
- تمر منقوع في حليب بالثلاجه من الليل الى الصباح .
- تفاح
- موز
- ملعقه زعتر اخلطيها بملعقه زيت زيتون ادهنيه على توست او ربع خبز .
- طماطم وباذنجان
- حبة البركه / السودا خذي نص ملعقه وامضغيه زين بفمك ثم اشربي بعده نص كوب مويه دافيه مضاف لها شوي عسل .
- حلبه ملعقه مع ماء ساخن وملعقه عسل .

واذا كان معك صعوبة في البلع ابدأي بالاشياء اللينه او المشروبات واختاري الوجبه اللي انتي تحبينها لازم تهيئين معدتك بالتدريج .
معقوله ماتحبين النوتيلا او انواع الشوكلاتات والكيك و الايسكريم او المشروبات مثل الموكا البارد او الميلك شيك ؟
اختاري شي انتي تحبينه عشان تقدرين تاكلين او تشربين