أنا وزوجي والسكن

طيب انتبهي.. خليه هو يفاتح أهلك بالموضوع قبل ماتعطيه كلمه عشان مايقول أصلاً هي موافقه وتكسري كلمة أهلك . .وأهله والله حظك ونصيبك ممكن يكونو أجواد ومايتدخلو وممكن يكونو لزقه وحسودين وغيورين ...ماتحكمي عليهم إلا بعد معاشره

ماشاء الله تبارك الله لا قوة الا بالله

ليت كل من تعترض على اهل الزوج او أمه يقرون تجربتك ويستفيدون من تجربتك
جزاك الله خير نعم الاسرة أنتم الله يسعدكم ويديم المحبة والخير والسعادة لكم ....

ليه يا أختي تبين يبعد عن اهله طيب انتي بشقتك لبسك نومك جلستك مطبخك طبخك اكلك كل شي لك وخاص فيك وانتي الكل بالكل بشقتك على راحتك .....هذا شلون لو طلب تسكنين غرفه مع اهله في بنات تزوجن بغرفه مع الاهل انتي شقه ليه يبعد والله مانصحك مافي احلا من السكن فوق اهل الزوج تحسين بأمان ان شاء الله ربي يرزقك ذريه ينزلون عند جدانهم والله العظيم انا فوق اهله قسم بالله اطمئنان راحه نفسيه لولا سمح الله تحتاجين طبيب شي اهله تحت اختي سكنت بعماره عوايل شقق مفروشه تحلف تقول اقسم بالله مارتحت ابد تسمع بالليل صوت رجال حركه عند يده الباب وفي واحد من الي بالشقق يسوي حركات لها اذا نزلت او طلعت من دون زوجها ...ماارتاحت الا يوم صارت فوق اهله وغير هذا بر واجر زوجك اذا لاسمح الله احتاجو اهله الطبيب يكون قريب والله مانصحك تبعدين مع الوقت بينشغل عن والدينه اذا ابعد مافيها شي اذا كان قريب منهم الاب والام لهم حق على الزوج اكثر من الزوجه اعينيه على بر والدينه ..
انتي خايفه من المشاكل خلاص متى ماشفتي اسلوبهم معك مو حلو تغيرو اي شي عندك شقتك اطلع بشقتي وارتاح فيها انا فوقهم متى ما ها حسيت من خواته كلمه من هنا من هنا طلعت بشقتي يا دار مادخلك شر طبعا الام وش ماقالت مازعل وانتي نفس الشي دامك عروس بنبهك امه وش ماغلطت لا تردين حطي ببالك يجيك كلام سوي حالك ماسمعتي لا تراددين ترى الزوج مهما كان مايرضى حتى لو امه غلطانه ...
والله يسعدك ويهنيك بالنسبه لي هذا رائي..

ماشاء الله دور كنت احسب شقه صغيره هذا انا شقه صغيره لي خمس سنين ولا ودي اطلع مع ان زوجي يقدر نطلع ونأجر شقه اوسع لاكن مرتاحه اطلع وادخل من باب السيم الي يطلع للشارع على طول وانتي دام دور خلاص زوجك وجهه ابيض ... ما أخل ابد بالشرط دور معناها سكن مستغل وبالنسبه للدخله والطلعه عادي من باب السيم لا تشوفينهم ولا يشوفونك .... اهلك لا يكبرون الموضوع يتسببون لاسمح الله بطلاقك يبين من اسلوبك انك مرتاحه معه الله يسعدكم ويهنيكم ... الف الف مبروك نسيت ابارك .... اجمل شي بالدنيا زوج صالح الشغلات الثانيه بسيطه ...

يابنات انا عارفة كلامكم وفكرت فيه بس مره خايفة من ردة فعل اهلي
يابنات أمي والله مره عصبية اخاف تعصب عليا اذا قلت لها وتقول انت اش فايدتك
مملكة وليش ماتقدري تقوليله لا وكلام يزعل وبرضو اخواتي اخاف انهم يتريقوا عليا
ويشوفوني اقل منهم وانو زوجي يمشيني على كلامه ولايقدر يجيب لي حتى بيت بعيد عن اهله