أنا وزوجي والسكن

والله السكن قريب او مع اهل الزوج مرررررره مو مريييييييح اسألو مجرب
في بداية الزواج يمكن يكون الوضع عادي بس بعدين لمن يصير فيه مشاكل بينك وبين زوجك وتطلع اصواتكم
أخباركم بتوصل آخر الحاره
وإذا خلفتو عيال إن صحيو بدري قالو ازعجونا من صباح الله خير ما خلونا ننام
وإن نامو متأخرين قالو طول الليل إزعاج ما قدرنا ننام
وغير المحاسبات في الخرجات والدخلات وين رايحين ومنين جايين وغير وغير وغير
تبغين راحة راسك خليك بعييييده عنهم
انا اشوف اهل زوجي يحبون سلفتي ويحترمونها ويضربولها الف حساب عشانها بعيده عنهم
وانا ولا احد معبرني عشاني معاهم في نفس البيت
قليله معليش حاول تستأجر برا وش نسوي هذا قدرنا كل الإجارات غاليه والله بيعينك
وفي النهايه استشيري وأستخيري

على وصفه هو لأني مااعرف بيتهم >> إنه الدور الثاني مدخله من الحوش ومستقل
عن مدخل البيت الأساسي
وكمان من داخل البيت يفصل بين الدرج والدور الاول باب
بس برضو كدا يقدروا يطلعوا في أي وقت يبغوا
يعني لازم يكون البيت نظيف 24 ساعة ولبسي محتشم على طول وكدا

أمي رافضة تقولي حتصير مشاكل ووجع دماغ وخصوصا بيتهم الله يحميهم
دايماً زحمة ناس عندهم في كل ويك اند واوقات نص الاسبوع يجتمعو خالاته وعماته
وبناتهم المتزوجات وبزورتهم
فاكون مضطرة اجامل وانزل وانا مو متعودة على كدا
كمان أمي رايها إنه كدا حتتكسر الرسمية بينكم ومايسوولك قيمة ولا يحسبولك
حساب

اييييييوا هو دا كل تحركاتي حتوصلهم وين اروح من وين اجي
ومتى اطلع ومتى ادخل يعني ماحيكون فيه خصوصية

شوفي والله انا ما ابى اخرب بينكم ابداا لكن والله من وجهة نظري و من تجارب اللي حولي لاتوافقي على كلامه ابدا والله العظيم كل اللي يقوله كذب مع احترامي لك و له انتي في بيت ابوكي اكيد بيرضيكي بكلامه بس بكرة يوم تكوني عنده مافي هذا الكلام بيسكت مره مرتين عشره وبعدها ماراح يتركك على مزاجك،مافي شي اسمه ماتبي تنزلي لهم! بتنزلي لهم بتنزلي لهم وماراح تاخذي راحتك ابدا اي حركه مسموعه لهم ويمكن تتضايقي بوجود اخوهم حتى لو كان تحت انا اسأليني قريبتي مجربه والله العظيم راح تجيبي الوجع لراسك من البداية خذي بيت وريحي بالك
بلى توفير بلى هم قريبتي كانت زيك وعلى قولتهم تمسكن لين تمكن و تزوج عليها انا كلامي ابدا مو عن الكل ماراح اعمم لانه في الصالح و في الطالح و مو كل الرجال زي بعض اكيد بس فكري بعقلك واتركي قلبك وحطي كلامي حلق في اذنك بكرة ما تنفع ياليت
الله يوفقك ويسعدك و مبروك مقدما💕

كثرت حكي ان شاء الله تفكري عدل💗

مو انا مااعرفهم كيف طيبين والا هما يظهرو الشيء الطيب دحين بس بعدين مااعرف
كيف تعاملهم خاصة امه الله يديها الصحة قوية وكلمتها ماااشية ع الكل
مادري راح تدخل في حياتي بعدين والا تسيبني في حالي
يعني كله بالحظ

واللي يقولو اقولها له ماابغى اسكن مع اهله بالصريح صعبه عليا والله مااقدر
حياخدها ضدي لو اقدر اقول لا كنت قلتها وريحت دماغي

نفسي ارد عل كل وحدة بس ماشاءالله كتير
الله يفرج همكم

حاكلم امي واشوف ردة فعلها الله يستر