ابغا افضفض لكم انا مطلقه واحب طليقي بجنون
مدري كيف اعدي هالمرحله عندي منه ولدين وبنت
بذكر لكم سبب طلاقي حتى لو احد عرفني هينا ماهمني
انا تزوجت من انسان طيب ماقصر معي بشي طول ماكنت على ذمته سبع سنوات انسان متفتح وماهو معقد لي ذكريات معاه حلوه طلعات ووناسه وايام حلوه
عشان مظلم نفسي واظلمه راح اقول هو وش الي صار منه وانا وش صار مني حتى لو قلتو غلطانه
اخر سنه جات عندنا امه كانت عند اخوه الاكبر وهي ثقيلة سمع وكبيره في السن اسويلها وطبخلها بس طفشت معاد نقدر نروح ونجي بس في البيت
عصبت مره عليه وتحملني قلت وديها عند اخوك انا يالله اقوم في عيالي وصرت ماسويلها شي بعد ماصارلها عندي ست شهور بعدين هو صار يقوم فيها ويعطيها علاجها
بعدها وداني لأهلي زياره وجاء بعد العشاء ياخذني قلت اول شي ود امك عند واحد من اخوانك بعدين تعال خذني
جاء من بكره ورفضت قلت انا ولا هي ولا رحت معاه وبعد اسبوع ارسل علي ورقتي
كله بسبب نصايح خواتي الي فرقت بينا
حسبي الله ونعم الوكيل
يجي يشوف عياله كل بعد يومين ثلاثة ايام وياخذهم ويقضيلهم ويعطيهم مصروف ويرجعهم وانا بلهفه اروح الباب عشان اشوفه
صارلي من رمضان من طلقني احبه ماقدرت انساه نفسي ماتقبل غيره
من البارح مادري وش الي صار لانمت زي الناس وحالتي حاله لأن سمعت انه خاطب
كنت افكر كيف يرجعني وانصدمت انه خاطب ادري اني غلطت لاني فتحت اذني لبعض الناس وخربو بيتي
الموضوع مغلق