👶👧التجمع(6) لأمهات يناير وفبراير2017.

سبحان الله ذا الوضع نفس وضعي بكل حمل ونفس السيناريو ابدأ في قرف المستشفيات الحكوميه عشان الحضانات وابر وتحاميل سايكولوجست وابر الرئة وتخطيط والله كنت شبه يومي وفي الاخير مايصير الا اللي ربي يكتبه الحمدلله هذا الحمل مو مره بس اخذت ابرة الرئة بما ان تاريخي المرضي ولاده مبكره بس وزن الجنين قالت لي جدا صغير كأنك لسى في السابع وانا خلاص اسبوع وادخل التاسع بالنسبه للافرازات البنيه ايوه من الالتهاب ويمكن الطلق من الالتهابات اذا ماتعالجت تسبب ولادة مبكره الله يتمم حملك على خير ويسهل لك كل عسير

اه بس طلق البنت موت عن تجربتي انا مدري عن غيري بحكم بناتي الثنتين الاولى بالظهر والثانيه بالبطن طلقها وبخصري اقسم بالله ماعمري ذقت الموت احس خلاص بموت طلقها ورى بعض مايخليني ارتاح او اتنفس والرحم يادوب يفتح وحمدالله ربك فرجها وماعليك من كلام حريم طلق بنت والولد نفس الشيء وحملهم واحد ابشرك بعد مافي فرررق ابد

جعبة ربي يهون عليك ويسهل حملك على خير ولاتخلين للشيطان مدخل يوسوس فيك وان شاء الله راح تكملين شهرك كله وتولدين وكثرة الوساويس مب زينه اشغلي نفسك بالاستغفار وماتدرين متى ربك كاتب لك ساعه الولاده الدكاتره مجرد احتمالات ويهولون بالواحد ،،

اه يابنات قل دخولي من هالقولون ذبحني متهيج حيل صاير ماينفع معها لا مغذي ولا حميه والدكتور يقول انتي حامل مقدر اسويلك شي غير تتحملين وتتصبرين لين تولدي على خير وربي انا صابره ومتحمله وحبوبي تركتها واللي تقولي ليه اقولك مقدر اكلهم اطرش على طول بكلم دكتوري يحط لي ابر حديد بالوريد الان الحبوب ماعاد اقدر اكل من قولون يزيد علي حيل واحس بطني نازل حيل من كثر المغوص اللي احس فيها وربي استغفر واتوكل على الله واقول كل شيء بأجره ويابنات لاتفقدون الامل كلها كم شهر ونخلص على خير تحملو وتصبرو 🌸

مراحب يا جميلات. الله يجمل أيامنا بذكره
اه يا جعبة أوجعني قلبي. الله يفرجها برحمته


حسّيت فيك والله
زميلتي جابت ولدها بالحبيب في 2يوم من التاسع تقريبا وزنه 2كيلو. وتوقعوا حضانة والحمد لله ما احتاج. المهم تقول سعر الحضانة 4000اعتقد وزيادة لليوم الواحد. الله يغنينا عنهم


والله ضربة قبل سنتين ونص زوجة اخوي ولدت بالحبيب واحتاج الطفل حضانة كان سعرها في اليوم الواحد 3000وشوي. شوفي كيف الأسعار.
و سمعت ان الحمل المتتابع اخف من اذا طولت بين حمل وآخر. حتى بعد الولادة.