السلام عليكم:
انا اواجه في شهر رمضان من كل سنة مشاكل وهوش مع زوجي .. وباستمرار ..
لدرجة اني اشيل هم لما يجي رمضان..
مشكلتي باختصار ان زوجي يحب كثرة اصناف الطعام على الفطور وعلى العشاء وعلى السحور..
يستمتع بمنظر الاصناف ... مع العلم انه مايأكل كثير.. مايأكل الا نوعين بس.. والباقي كله يتركه..
واذا قلت له وعاتبته ليش ماتأكل من هذا النوع وهذا النوع.. انت اللي طلبت اسويه لك .. وبعدين ماتأكله.. يزعل ويعصب ويهاوش.. ويقول: انتي ماهمك الا نفسك.. ماتبغين تتعبين وتطبخين.. كل هذا
كسل وعجز وتهاون... شوفي فلانة وشوفي علانة ايش تسوي وايش تحط على السفرة..( مع العلم إن كل اللي يذكرهن عندهن شغالات في البيت .. بينما انا ماعندي)
واذا قلت له اسراف وتبذير .. واننا في رمضان ندور على الاجر.. رجع على نفس كلامه وزعل وقال:
لاتلعبين علي بهذا الكلام .. انتي تبغين ترتاحين وبس وماتبغين تطبخين..( والمشكلة مايبغى إني احطه بالفريزر اذا انتهينا منه ونستعمله يوم ثاني .. لانه مايحب الاكل البايت على حد قوله)
مثلا الفطور اليوم حطيت: سمبوسا باللحم بالفرن - سمبوسا بالجبنة بالزيت - اقماع فطاير بالخضار - كراوسان - لقيمات - بلح الشام - خلية نحل - كمبودي - توست محشى دجاج - ( ومافيه على الفطور إلا انا وإياه).. وأنا أسوي لي فطاير خاصة بي لأني مااحب الانواع السابقة..
هذا بالاضافة للتمر والتوت والعصير والتين المجفف والقشطة والعصير الطبيعي وعصير قمر الدين..
اما العشاء فبعد صلاة التراويح حطيت: شوربة كويكر - شعيرية حلوة - مكرونة بالباشميل - كريم كرمل - شوي ارز - كنافة بالقشطة - حلى دريم ويب
بصراحة أحس بتأنيب الضمير كل ماأشوف هذي الاصناف هالحين بالمطبخ .. لكن من يسمع لي؟؟؟
مايقتنع نهائيا بكلامي .. ولانصايحي له .. واللي يقهرني زيادة أن أكله ماهو كثير ولايحب الاكل .. لكن اقدر اقول انها عادة .. تعود عليها من صغره .. في بيت اهله .. حيث تقدم الاصناف الكثيرة والمتنوعة
على المائدة حتى لو لم تؤكل ..
فمن عندها حل لمشكلتي هذي .. والله سأدعي لها في صلواتي في هذا الشهر الفضيل
الموضوع مغلق