تجمع امهات يناير و فبراير الجميلات 👼🏻💐

مشمش .. والله ما استخدم شيء لبطني بعد النفاس ولا لجسمي غير الأشياء الروتينية اللي استخدمها بالايام العادية كريمات ولوشنات بس
وترى لون البطن طبيعي يكون احمر و اغمق حبتين بعد الولادة بس يرجع لوحده بعد الأربعين ولا كأن شيء صار
ولو كنتِ تعتنين في بطنك وتدهنينه من الشهور الأولى مايتمدد ولايترهل لأن الترطيب مهم بفترة الحمل
واذا فيه اشياء وخلطات عناية احد يعرفها ان شاء الله يفيدونك البنات بس انا للأسف ما اعرف شيء ولا استخدم شيء
وصح والله نسيت اخبرك اتذكر بعد نفاسي سويت حمام مغربي ثلاث مرات نعووومة مو طبيعية ونظافة 👌🏻

الحمدلله على كل حال الله يعافيك ياقلبي وان شاء الله أيام وتنتهي الله يعين الجميع بس صح متى قلتي موعد عمليتك ؟

تصدقين والله أني ناسيه أنها قالت هالكلام مااتذكر متى قالته لكن الله يفرج عنها وعنا يارب ....
وسلامتك من الالتهابات الله يعينك انتي وسكره وجعبه واللي معها التهابات احسها مره شغله ...
وكلامك ماشاء الله عين العقل ومنطقي جدا عن المشدات والربط اليوم الصباح قريت في النت عنه مجموعه كبيرة قالوا يربطون بس فيه بنات قالوا مو زين ويرهل البطن بس نتائج الترهل تبان مع الكبر في الأربعين وكذا لأن قايلين العضلات تكون مرتخيه بعد الولاده والشد عليها مو كويس تنشد وهيه تعبانه بعدين مع تقدم العمر وكذا ترتخي طبيعي بس اللي تشد ترتحي وتبان لها كرش كبيره وفعلا اقتنعت بالكلام وشلت الفكره من راسي لأن انا جربت قبل رياضة البطن شي عجيب وربي ماشاء الله تبارك الله وأن شاء الله بسوي مثلك رضاعة ونظام صحي وتمارين وترجع الأمور احسن من قبل بأذن الله

ام النونات سلامتك ياقلبي ماتشوفين شر السخونه تهد الحيل سبحان الله بس عموما الإنسان ضعيف لو يتعب منه شي بسيط جسمه كله يتعب منه سبحان الله العظيم الله يجعلها تكفير للذنوب والحمدلله على كل حال

يابنات انا لوحدي اليوم
والله مدري كيف بنام
انتظر بكره يجي بسرررعة
ام زوجي راجعة من السفر بعد غياب شهر وجات تعبانة مسكينة وزوجي راح لها يشوفها وهم بمنطقة بعيدة عنا مساااااااافة بالسييارة
وبنتي راحت معاه لأول مرررره تروح مع ابوها وتتركني بالعادة مستحيل تروح بدوني أبدًا لو إيش يصير ومسكينة ياروحي عليها ماراحت بسهولة كانت تقولي اوعديني ماتكونين حزينة
ياجعلني فدا لروحها وقلبها
وخواتي وأمي وكل بيت أهلي رايحين للرياض زواج بنت خالتي كل العائلة مشغولة بالزواج
وانا ماقدرت اروح لا هنا ولاهنا والله من كثر التعب ما اقدر اقعد لازم انسدح او احط مخدة طرية تحتي
بس والله كميييية فراغ كبيرة
قاعدة ومعليه على صوت التلفزيون مابي احس بالهدوء 😂💔
بكرة بعد المغرب بيكونون عندي إن شاء الله
بس الشعور الحين مررره مو حلو والبيت فراغ بدونهم
#فضفضة وسوالف