السلام عليكم ..
فالبدايه ترددت اني افضفض لكم ،لكن اتمنى القى منكم نصيحه او توجيه ماشاء الله بعضكم عندها خبره تفيدني .
انا متزوجه لي سنه وبحكم دراستي انا عند اهلي وهو بمنطقه ثانيه عشان عمله المهم زوجي انسان طيب ويحبني ومتاكده من هالشي ونا اموت عليه .
طبعن هو يجيني فالويكند فقط واحيان ياخذ اجازه واحيان يناوب في الويكند المهم الغالب يجي الخميس ويوصل بالليل قبل صلاة العشا اذا جا يروح بيت اهله فالبدايه كنت اجي من الجامعه واتجهز وقهوه وكذا واروح عند امه بس والله يابنات اني مثلي مثل الكرسي اللي جالسه عليه ماكأني موجوده بس لما يجي زوجي يجون يجلسون عندي بالغرفه وإذا مشى يروحون الغرفه لحالهم ولايسولفون معاي ولايتكلمون ولاشايفيني اصلن بس اذا كان زوجي موجود يجاملوني عشانه ،وزوجي يحب يجي عند اهله والله يابنات نجلس لين قرب الفجر عندهم ونروح ننام (طبعن معندنا بيت بس نستأجر )واليوم الثاني نجيهم الغدا والعصريه يروح مع اصحابه واجلس لحالي ويروح يتقهوى عند اخته والليل يسهر مع اصحابه ويجيني ينام واليوم اللي يسافر فيه اذا قام ياخذ شنطته واغراضه ويروح عند امه ويتقهوى ويتغدا معها ويسافر .قسمبلاه ي بنات يجي ويروح مااشوفه الاوقت النوم واهله يستغلونه اذا جا يقضي مشاويرهم اي مكان يبونه المشكله خواته متزوجات ولايروحون الامع زوجي اذا جا وداهم السوق العياده المكان اللي يبونه وانا اجلس في الشقه بين اربعه جدران الين يجي بالليل وينام تخيلو آكل لحالي واجلس لحالي قسمبلاه سرت اكره جيته والله ي بنات ساعات لمايسافر اجلس ابكي منقهره ما اتهنى بطلعه معاه ولا اكل ولاحتى جلسه نسولف مع بعض اهلى كل ماجيتهم قالو زوجك ليش مايجلس عندك ولا متهاوشين انحرج والله اقولهم مابيننا شي بس ينشغل مع اهله ،المهم سرت معاد اروح معه عند اهله ويزعل بعدين سار يقولي بكيفك والله انقهر تخيلو اقوم واطبخ الغدا ويروح يصلي ويمر امه ويتغدى عندها ويجيني قرب العصر ينام لين وقت الصلاه ويمشي سرت انا سرير متى مابغى ينام يجيني مره من المرات اخذ اجازه اسبوع وقالي نبي نسافر نغير جو والله فرحت وجهزت كلشي وابشركم لاسفر ولاهم يحزنون قضينا الاجازه عند اهله .
كنت المح له عطني وجه انت ساحب علي لين مره انفجرت وبكيت انت مطنشني ...الخ قال ابشري باللي تبينه رقد وقام راح لاهله وسافر والله انغبنت وضاق خلقي مررره وفوق ذا كله مايصرف علي والله اصرف ع نفسي من مكافأه الجامعه والله يابنات اني ماقصرت معه بشي يقول لي مابلقى مثلك المهم قلت دام انه يطنشني اذا جاني بطنشه اذا مشى والحين لي يومين مطنشته وقالي اشبك عليه ذا ماهو اسلوبك زعلانه مني قلت لا (فيني حركه تقهر اذا زعلت منه مااقوله انا ضايقني كذا وكذا اجلس ساكته لين يسألني ثم ابكي واعلمه ) قال ادري زعلانه ماوديتك السوق لكن ابشري تخيلو ٣شهور اطلبه السوق ماوداني .
مره من المرات قام الظهر وراح لاهله وجهزت الغدا وانتظره ولاجاني واتصلت مايرد وارسلت واتس مايرد المهم تغديت لحالي ولاجاني الا بعد المغرب غير ملابسه ومشى قال بزور واحد مسوي عمليه قلت طيب لاتتاخر علي قال يمكن نتعشى عنده ومشى جلست لين بعد صلاه العشا طفشانه مووت وارسلت له لا تتأخر عليه عصب مني وجا قالي لوترسلين كلام زي كذا اعطيك حظر في الواتس واسبوع ما أكلمك والله قهرررني وجاني تهاوشنا بس ماحبيت اكثر الكلام معاه وطلعني طلعه يسكتني فيها ورجعنا عشان يسهر مع اصحابه .
الحين قولولي شلون اتصرف معاه !!!!؟؟؟؟
شاركي في النقاش
سجلي الدخول لإضافة تعليق.
التعليقات
25- اول سنه زواج كنت نفس حالتك مع زوجك يجيني بالويكند
شوفي اللي اسويه انا مع زوجي ترا احتمال مايناسب زوجك خذي منه اللي يفيدك- اول شي انا الشي اللي مايعجبني مااسكت ولا اجامل ابد اللي مايعجبني اقول يعني مثلاً اي اي اي يوم يقدر يرجع فيه من دوامه يجي لان انا لي حق فيه مايسبقني احد خلص دوام يجي علئ البيت مو يروح عند اصحابه او ينام ثم يجي لا انا اولاً
- اذا جاك زوجك دلعييه كلام حلو و اسلوب رايق و غدا و عشا و قهوة قالك بطلع لاصحابي اجلسي تدلعي انك مشتاقتله وكذا و خليه معاك في البيت لو ماتطلعون
- ثالث شي المصروف من اول ماتتزوجين مكافأتك تصيير تجمعينها ابد ولا ريال الا وقت ماتخلص عليك الفلوس اللي من زوجك اذا خلصت واحتجتي تفكين حاجتك من المكافأه
- اطلبيه اشياء مو يجي بس بتريحينه اذا انتي ماطلبتي يروح يدور له مشوار اشغليه فيك افضل
- اذا فيه مجال تنقلين لجامعه اللي في مدينة زوجك لاتقصرين
- البيت لازم يوفر لك معللليش اكبر غلط كل اسبوع تستاجرون مو حاله هذي والله انا ماودي اتكلم عن نفسي كثير لكن مع ان زوجي مو في نفس مدينتنا شغله ( اول سنه) ماتزوجنا الا وهو موفر لي سكن هذا حقي الشرعي وافضل يكون قريب من اهلك البيت عشان يستاجر لك سواق للجامعه فقط تسيري تداومي من بيتك وتزوري اهلك زياره بس
- خافي الله في زوجك بس كمان لاتقصرين في حق نفسك دلععععي نفسك ابد حركات المسكنه و اللي راحته اهم ماتمشي ماغير تاكلين في نفسك بذوق وادب لا تتنازلي عن حقك
- انا ماايد تأجيل الدراسه قليل جداً يتركون الدراسه ويرجعون لها خصوصاً متزوجه عندها شي يشغلها مانقول تطفش وترجع تدرس ممكن تحمل وتنشغل المهم يا انقلي معاه ياقربيه منك بالاساليب اللي قلتلك بردي الاو
- انتوا مو مستقرين فااكيد بيكون وضعكم كذا بس حاولي تقولين له بصريح العباره يعطيك مصررررروف ضرررروري مو تلمحين لاصارحيه انك تحتاجين مصروف والمكافاه للكتب والسواق يبي وانا ابي وانا احتاج لاتجلسين ساكته لين يفهم من نفسه اغلب الرجال مايفهمون لين تموتين من القهر واذا حس فيك قمتي تبكين وتشكين له لا لا لا منتي ضعيفه وميته عليه قولي له انا لي حقوق عطني اياها زي ماانا اعطيك حقوقك والا خليني عند اهلي ف الوكيند اذا الوضع كذا الله ييسرلك اللي قلته لك ندمت اني ماسويته بداية زواجي بس كنت جاهله ومحد وعاني والدنيا تصفق فيني لين تعلمت وفهمت بس ماقدرت اغير شي
- تبين راحتك ويحس انه مسؤول عنك روحي معه واجلي دراستك انا من اول ماتزوجت كنت زيك بالشهر يجي كم يوم بعدها تركت دراستي ورححت معه 6 سنوات لييين استقرينا تمام وبعدها كملت وتخرجت الحمدلله هي كلها مسأله حسساب بالعقل وبتكمل حياتك بأذن الله
- من بكرا تكلمينه وتقولين له محتاجه فلوس ناقصتني اشياء بروح للسوق والصيدليه فلوس الجامعه للدراسه بس
اطلبي منه 500 وفوق لاتطلبين اقل مع الايام اطلبي مصروف خاص فيك وليش قلت لك 500 علشان يعرف ان الزواج مسووليه والزوجه تحتاج مصاريف
مو بعدين تسكتين ويمد لك خمسين او ميه
لا تعودين زوجك انك تصرفين علی نفسك انتبهي
وشقة تقصدين فوق اهله او مفروشه
اذا مفروشه مو ضروري تروحين معه وتجلسين بين اربع جدران
روحي فندق احسن وبعدين ترجعين لااهلك احسن من الحبسه
بخصوص يطلع لربعه ماعندي حل اكثرهم كذا يحبون ربعهم وطلعتهم اكثر من اهلهم
وانتبهي تتركين دراستك الشهادة سلاح حتی لو حطيتها في الدرج لك يوم تحتاجينها
مواضيع مشابهة
تابعي تجارب أخرى من هذا القسم.