اخوات زوجي وولدي

ولدي عمره9 سنوات وفي شغلتين محيرتني من اخوات زوجي متضايقه منها ومادري هذا شي طبيعي والا لازم اتصرف
بس ينزل لهم تبداء طلباتهم وينهد حيله وهو رايح جاي طبعا اذا قال تعبت وماراح اروح قالو روح والا نعلم ابوك عليك ولدي يخاف منهم ويسمع الكلام لانه اكثر من مره علمو ابوه وضربه قدامهم ويجيني يبكي ولاقلت له شي اخاف ان هالشي طبيعي اللي يصير وانا اكبرها
بس مره طلبوه يشيل شنط سفرهم وكانت ثقيله وطلعت عليهم 😠وقلت له ثقيله ماتشيلها طبعا زعلو مني وراحو يشيلونها هم وزوجي لمن عرف تضايق مني يقول عماته قلت عاى العين والراس بس مب لهدرجه😞 مع ان ابو زوجي الله يخليه قال ليش تخلون فلان يشيل شنطكم شيلوها انتم طفل لاتحملونه فوق طاقته
والشي الثاني اخت زوجي بس تجلس مع ولدي تقول بنتي عندها لعبه جديده وانت ماعندك وبنتي عندها سوني وانت ماعندك وبنتي اشطر منك فالمدرسه وغرفة بنتي احسن من غرفتك او احنا احسن منكم بنسافر وانتم لا !!!!
طبعا ولدي يطلع متضايق واحيانا يبكي مع انه مو مقصرين عليه صح بعض الشغلات مو عنده بس احس مو لازم كل شي اشتري له قلبي يعورني اذا شفته طلع مقهور من عند اهل زوجي
وبنفس الوقت ماعاد يبغى يروح لهم احيانا انزله معاي غصب واحيانا اروح واخليه فالبيت بس جده وجدته يتضايقون يبون يشوفونه باستمرار
وزوجي لاحظ وسألني قلت له على تصرفات اخواته قال لاتحطينها براس الولد الوضع عادي هم عماته ولاتكوني حساسه 😢