ليست كل ضره مره
كمثال ضرتي السابقة
كانت لي نعم الأخت رغم اني الثانية قبلتني وصادقتني
وحتى لما تجننت واتبعت كلام الحساد وسويت مشاكل مع زوجنا وطلبت طلاقي حاولت معي ومعاه ان الطلاق مايتم ولكني كنت حمقاء واصريت على الطلاق
بعد الطلاق ولدت عند اهلي وارسلت ولدي لأبوه لما صار عمره 6 اشهر عشان اتزوج
تزوجت وفشلت لأن حوبة زوجي الأول الطيب مافارقتني وصار نصيبي في واحد داشر ماتحملته الا شهرين بس وخلعته وندمت اني فرطت في ابو ولدي
ضرتي ماقاطعتني ولا قاطعتها بعد طلاقي وكنا نتواصل تلفون وواتس وكانت ترسلي ولدي يزورني دائما ولدي عمره ذحين 4 سنوات ويناديها ماما لأنها رضعته مع ولدها
موضوعي
هو ان ضرتي السابقة امس زارتني بنفسها وجابت الولد زيارة
وكلمتني بصراحة انها جاية تخطبني عشان ارجع لأبو ولدي
هي لها فترة تلمح بس أمس كانت صريحة معاي
صراحة انا من داخل نفسي اتمنى تراب رجوله بعد اللي شفته
بس قلت لها صعبة انا خجلانة ارجع بعد اللي سويته معاه
قالت ولا يهمك انت وافقي وهو يجي يخطبك من اهلك
ايش رايكم يابنات؟
الموضوع مغلق