وش الفرق بين القذف والشك بالزوج ؟؟؟

صباح الخيير ياعالمي الجمييل


بنات كلنا نعرف ان القذف شي بشع ومؤلم


طيب بسأل انا كثيراشوفهم هنا بعالم حوا تشك بزوجها بدون دليل وتشك انه يكلم او يطلع وركزو ع كلمة بدون دليل مجرد اوهام من كثر ماتسمع عن الخيانة
وطبعا تحس ان لها حق... طبعا مااقصد اللي كاشفة بدليل
طيب هذا مايعتبر قذف ؟؟ هل الشك يعتبر قذف ؟ لأن كثير يعرفون ان القذف شي محرم ولايقتربو منه بس تشك بزوجها وتحسه شي عادي بس مستحيل تتكلم في غير زوجها
واذاشكت الوحدة بزوجها مدري هل هو بنفس درجة القذف والاتهام ؟ كثير مايسوون كذا الا من حبها وغيرتها بس بالنسبة لي مو مبرر


طبعا اتكلم لاني اشوف هنا كثيرشاكين بأزواجهم وماعندهم دليل ابدا مجرد وهم
او تجي عضوة تنزل موضوع ويجي البعض يقلها اكيد له علاقات ؟! استغفرالله لهالدرجة نقدر نتكلم بأعراض الناس وحنا مانعرفهم😐😣


انتو وش رايكم ممكن تتجرئي تتتهمي زوجك طبعا بنفسك بدون ماتشوفي عليه اي شي مريب لمجرد مواضيع قرأتيها اوسالفة سمعتيها وهل يدخل الشك لقلبك عند سماع مثل هالكلام بصراحة ؟؟


وليش البعض يحرم شك الزوج بزوجته ويشوف شك الزوجة بزوجها عادي وطبيعي مع انه كلاهما مرفوض ومحرم

18 تعليق 3,129 مشاهدة

شاركي في النقاش

سجلي الدخول لإضافة تعليق.

التعليقات

16
  1. هلا صباح النور
    الشك ممكن يعتبر إساءة ظن لكن اللي يردون هنا ويقولو أكيد راعي بنات هذا قذف وليس شك أبدا وياويلهم أعراض الناس ماهي سهلة


    وأحيان الوحدة تشك وتبني على فلأنه قالت لها وفلانه علمتها دين الله في مسألة الزنا كلكم عارفين كيف يتم الحكم فيها ولايوجد من وجد الاسلام انه تم الحكم بحد الزنا الا في حالات هم أنفسهم اعترفو بفعلهم للزنا وكلنا نخبر قصة اللي جات للرسول اللهم صلي عليه وهذا ان دل عظم ذنب قذف الناس وشروط تطبيق الحد صعبه


    اما هذا الجيل يعتبرون رسالة تلفون من رقم غريب زنا وبعدين تقول انا مااعيش مع شخص مايقيم حدود الله اولا لو كلم بالتلفون هذا مو زنا وثانيا ماهو عشان الدين بل عشان نفسك لدرجة انهم وصلو مرحلة ساوو اللي يكلم بنات ويزني باللي يعدد


    الله المستعان ويصلح شبابنا سواء بنات او عيال....
  2. دخلت بس عشان اعلق على نقطه وحده
    لما تنزل وحده موضوع ويجونها العضوات يقولون اكيد له علاقات اكيد يطلع ويا بنات
    يختي انت شدراك اتقي ربك
    الله يصلحكم
  3. معاً لنضيء الكون١
    دخلت بس عشان اعلق على نقطه وحده لما تنزل وحده موضوع ويجونها العضوات يقولون اكيد له علاقات اكيد يطلع ويا بنات يختي انت شدراك اتقي ربك الله يصلحكم
    الا صادقه انا اشوف ردودهن يدخلن بنيه ويدعون بعد وش اتقي الله البنت صادقه انا اشوف ردودهن الله يهديهن مايدرن انه قذف يتبلون علا شخص مايعرفونه
  4. @mnar_alsdys

    صاحبة الموضوع
    seemb
    هلا صباح النور الشك ممكن يعتبر إساءة ظن لكن اللي يردون هنا ويقولو أكيد راعي بنات هذا قذف وليس شك أبدا وياويلهم أعراض الناس ماهي سهلة وأحيان الوحدة تشك وتبني على فلأنه قالت لها وفلانه علمتها دين الله في مسألة الزنا كلكم عارفين كيف يتم ا…
    اكبر مصيبة لما يتساوى أمر وشرع الله مع القذارة والنجاسة

    مشكورة حبيبتي ع كلامك والنقاط تللي وضحتيها

تابعي تجارب أخرى من هذا القسم.