تعقيب على موضوع بنت زوجي شوفو اش سوت / تم الرد

الله يعيينك بس طنشيها خلاص مصيرها كم سنه وتتزوج خلاص مادام ماتبغاك لاتهينين نفسك عشانها

البنت طبيعي تتغير مو مثل يوم كانت صغيره تمر بمرحله مراهقه يعني تحس الكل ضدها وغير مرغوبه وتحاول تشاكس بأي طريقه لازم ياقلبي تقدرين ظرفها وخصوصاً انها مشتته واهل امها مايبغوها وبدأت تفهم وتعرف ليش أمها بعيده عن أبوها في نظرها أنتي الان من فرق بينها واخذتي مكان أمها حتى لو كنتي انتي المربيه لها اتركيها نهائي لا تنصحيها اتركي ابوها يتفاهم معها بكل شي وحاولي تتقربين لها مثلاً تطبخون سوا تستشيريها بطعم الطبخ تطلبيها تسوي شي تعرف له وكأنك معجبه فيه مره تجي عندها لغرفتها معك شيبسات وشوكلاته وتسولفي معها شوي وتطلعي صدقيني راح تخف الحواجز اللي بينك وبينها انا أم لولد مراهق والله تعبني تعب ويحس الكل ضده ويطفش اخوانه تقريباً في نفس عمر بنتك أو أكبر بسنه أسأل الله ان يعينك وان يكتب لك الأجر

اسلوبك غلط انتي تبين المشاكل معاها انا عندي بنت زوجي ساكنه معايا شفت منها الويل بس انا مااتكلم ولا ارد عليها حتى اشوفها تتكلم مع شباب وسوي نفسي ماسمعت شي ولا علي منها الحين طفشت هيا وامها من تحرش بيا وصارت دايم في غرفتها ومريحتني منها البنات ينفع لهم تطنيش خاصه فترة المراهقة انشغلي ببيتك وعيالك وتركيها تسوي الي تبغى

حرام عليك خافي الله فيها كل مين يطردها من جهة ونفسها مكسورة ،،،،
تراك غلطانه وقاعدة لها بمل شي ،،، الغريب ابوها من تشتكين يستجيب مافي قلبه رحمه ،، ياخي راعو مراهقتها وراعو انكسارها تخيلي بنتك بمو قفها لا قدر الله ،،، الدنيا دوارة والله لا يحيج اولادك لزوجة اب


تصالحي معها ،،، لا تتدخلين في خصوصياتها ،، ابوها فقط مسؤل عنها وانت لا تحرضينه عليها ،، هو لو شاف ليسها بدون ما تتكلمين انتي ماكان قال شي ،،، وان قال فالموضوع بينها وبين ابوها .. بلاش تشوفك تحرضين عليها وتخفرين وراها
نفس الشي خروجها وطلعاتها تاخذ الاذن من ابوها ، فقط ،،،، لو مو موجود تتصل عليه وتستأذنه ،،عاد اذا رحتو مكتبه وهي عند بنت الجيران كلها ساعه او ساعتين بالكثير ،،،
حسسيها بالامان وابتغي وجه الله في تعاملك معها .. وتذكري قصص كثيرة سمعناها والعياذ بالله الله لا يذوقك حوبتها ،، معليش با تزعلين والله اني انصحك لمصلحتك ،،، اذكر قصه المرأة اللي تغش حليب ولد زوجها بالماء وتعطي ولدها حليب كامل مو مغشوش ،،، وبعد ما كبرو العيال وشافو حياتهم وتوفت هذه المرأة ،،، شافها ولدها بالحلم بعد سنوات من موتها وتقول له انها للحين تتعذب بسبب الحليب المغشوش اللي تعطيه ولد زوجها ،،،

انتي فقط تخيليها بنتك ،،، وانسي امها ،،، وياما زوجات اب ضربن امثله رائعه في التعامل مع ابناء الزوج لدرجة يحبوها ويحضنوها ومعوضتهم حنان الام ،،، كم من الحسنات تجني هذه الزوجة بسبب اخلاصها لله

البنت شكلها مراهقة ولو كنتي امها نفسها هذه تصرفاتها ... هي الشيطان لعب بعقلها انتي ﻻ تخليه يقدر عليكي بنصحك تطلعي على معاملة المراهق فيديوهات عاليوتيوب كثير تشرح عن معاملة المراهق حراام تراها مو واعية وبكرة بتندم