و الله احسك دخلتي قلبي و انا و لا اعرفك مو تعاطف بس احسك فيك خير و طيبة
اولا اللي يلومونك ليش حطيتي اختك بدار رعاية بالعكس انا اؤيدك على هالقرار افضل بكثير يهتمو فيها و يعرفون كيف يتعاملو معاها المهم انك تزورينها باستمرار و لا تحس ببعدك
بالنسبة لك اولا العلاج الروحي هو المهم في هذي الفترة و الخصه لك في التالي
1- القرآن و الأدعية و الأذكار لازم تتقربي من الله راح تلقي راحة و سكينة بال تطمنك و تهدي بالك
2- ابعدي عن مصادر القلق اذا زوجك يهددك بالزواج انسيه كنسليه لا تتفاعلي معاه اذا انت لاعت جبدك و ما عاد يفرق معاك المهم انه ما ياذيك و لا يضربك اذا سواها اطرديه من البيت لانه جاحد و الاهم ما راح تكون اخر مرة بحقك
3- تواصلي مع طبيبة نفسية اذا تحسين بمشاعر سلبية فوق طاقتك بس اعطي نفسك وقت قبل لا تسوين هالخطوة
4- الشغلات اللي تخليك مبسوطة ولو كانت بسيطة كوب شاهي او عصير او لعبة او هواية معينة لا تستصغري هاذي الامور مهما يكون عمرك تعدل المزاج و تطلعك من الجو اللي انت فيه
ما شاء الله عليك شخصية قوية و يبدو انك تخططي زين و تعرفي اللي تبغينه الصمود من اهم السمات اللي استخلصتها من سطورك متاكدة راح تتغلبي على هذي العقبة هالمرة و اطفالك ربيهم على حبك هم اللي يسندونك و يونسونك لما ما تلقي حد حوليك
ادعو الله يحميك و يفرج همك و كربك و يرزقك بافضل من اللي تتمنيه
اناغريبه
متابعة النقاش، صفحة 13