كل من مرت بفترة النفاس ..

حبيبتي المويه الدافيه كنت اغطس فيها عشرة ايام والم يزيد الله لا يوريك ويوم رحت للدكتوره نصحتني بكمادات الثلج استخدمتها الم اول خمس دقايق بس بعدين ارتحت جدا لله الحمد لكن اشوف كل النساء تستخدم وتنصح بالماء الدافي لكن سبحان الله ما ناسب الجرح عندي والبواسير بعد الله يكفيكم شر الامراض يارب

اي عادي الكمادات الثلج بالعكس هذي يسوونها برا ع شكل فوط بارده تنعطى بعد الولاده ، وسبحان الله تريح مره بس انا اقصد ماتضيفين اي مواد مع المويه الدافيه لان كلها مواد تدخل جوا وتعدم الدنيا ، البيتادين اختلفوا فيه الدكاتره ، وبالنسبه للولاده الثانيه في احتمال تولدين بدون شق اذا ربي رزقك بدكتوره تساند الولاده الطبيعيه وتصبر عليك وطبعا لو كانت امورك تمام مثل حجم راس البيبي والنبض كويس وغير كمان تكونين مسويه تمارين تقوية لقاع الحوض وكثير شغلات وبالاخير هي توافيق ، ان شاءالله نولد بالسلامه

الان انا بنفاس قبل الحمل كان فيني حبوب شباب بوجهي وظهري وصدري ويوم حملت خف الحبوب ولكن والله العظيم سمرت وصار وجهي شاحب وانا بشرتي بيضاء وسمعت يقولون اللي حامل بولد تزين بشرتها أقسم بالله كل من شافني وانا حامل انصدم من بشرتي وافكر بعد مااخلص النفاس اسوي ليزر بديرما بس والله تعقدت من حبوب الشباب واهتمامي بصحتي والله مااهتم حتى امي وخواتي الكبار يسون لي اكل خاص بالنفاس والله مااكله ما احب الرشاد والحلبه تدبل كبدي

شعرك زيت دابر املا الذهبي
وجسمك اخلطي في علبه زيت اللوز فكس فازلين جلسرين موية ورد نشتء وبودرة اطفال
وكل يوم قبل النوم امرخي جسمك (ولو تستغني عنها احلا عشان راح ترضعي البيبي والبيبي رضعاته كثيره في اول ثلاثه شهور حرام ينكتم او يمص شي)
تروشي بحنه و سدر وبينهم شوية زيت زيتون او سمسم امرخي جسمك واجلسي ١٠ دقايق او ربع واغسليه من جسمك


كل يوم من اول يوم نفاس عبي ترمس قهوه قشر مع زنجبيل و قرفه وشمر وتقهوي منها اربعه اكواب او ٣ يوميا مره مفيده

جزاك الله خير حبيبتي تسلم ايدك