الله لايوفق كل خطابه تسعى لخراب البيوت

اللهم صل وسلم على محمد

اللهم آمين ولك بالمثل يالغاليه
يا اختي زواجه منها سترها وعفها ورعى ابنائها الأيتام مؤكد اجر عظيم لاشك وعظيم جدا انا اشهد
لأننا كلنا نؤمن ايمان مطلق بما قال النبي صلى الله عليه وسلم
اما قرأتي حديث الساعي على الأرملة واليتيم ؟؟

وعن العدل مالنا وماله يجي شقه مايل ولا مستقيم
اذا هو يقرا ردودنا تحذره ما فيه مشكله وننصحه واذا قدرنا نوصل له التحذير من الشق المائل عادي بس كيف ؟؟.

الحين اللي عندنا هي زوجته
لذلك نوجه لها النصيحة
ونقول لها لو العالم كلهم يجون شقهم مايل هل ترضين لنفسك النار أجارنا الله وياك منها ؟
ولو الناس كلهم يجون مذنبين هل ترضين لنفسك ان تذهبين الى النار والعياذ بالله أجارنا الله وياك منها ؟؟
بالعقل وانا اختك مو معناته اذا هو مخطئ انا لازم ارتكب الآثام والذنوب ؟؟؟

صح يا غاليه ولا انا غلطانه ؟؟
مع ان ما قالته وكتبته في شكواها عن زوجها يدل على انه رجل فيه خير وصلاح
والدليل 3 سنوات وهي ما تدري عن زواجه وحياتها طبيعية
ولو ما عصت الله وتجسست على زوجها كان ممكن تستمر سعادتها عشر سنوات وما درت .
والدليل ايضا انه راح لارمله وتزوجها علاشان يستفيد بها كزوجه ويستفيد اجر فيها وفِي الأيتام ... هذا الظاهر لنا حسب شكواها ...

صح وانا اختك اذا انا غلطانه علميني علاشان اتعدل النقاش في مثل هالامور يثري معلوماتنا ونزيدنا تفقه في ديننا

ومثلما قلتي الرجال في هالزمن ماهم مثل زمان
الكثير منهم يتزوجون ويطلقون واخذو الزواح لعب .

حفظك الله ،،

ما ادري ليه ردودك تذكرني بوحده منتشر له مقطع صوتي قبل كم يوم في الواتس تقول للرجال اعرسوا على حريمكم وتحرض الرجال على الزواج بالثانية وش تقرب لك هي كل ردودك مؤيده الرجال يعرس على زوجته مثاليه زيادة تزيدين صاحبة المشكلة هم غم

انتي اللحين عرفتي شفرة زوجك السرية واللي اذا سويتيها بتكسبينه ..
مو انتي قلتي انك جميلة وهي ما تجي شيء عندك ؟
بس زوجك شاف فيها اللي ما شافه فيك وهو أهم شيء بالنسبة له ( الفراش )
حاولي تسعدينه بفراشة وتشبعينه ويصير خاتم بيدينك ويسحب على العجوز اللي ماخذها ع راسك وذايب فيها .
الله يفرج همك ويشرح صدرك

العجوز اللي اخذها على قولتكم ماسوت لكم شي وتزوجت رجل بشرع الله ليه تتمنون دائما ان يسحب على الثانية ماهي زوجته أيضا والاولى تعتبرونها مظلومه

ياأخواني انتبهو