بنات عندي استفسار مهم جدا

بجرب المره لاكن اخاف تأثر عليه لو استمريت عليها .
لاني جربت حتى النسكافه عجنتها وخليتها شبه سائله وحطيتها على صدري مثل الكريم ورضع عادي يقاوم الطعم مع انه تقزز منه

سبحان الله وبحمده

ياقلبي ارحمي نفسك ترا مرة خطر عليك اذا انتي حملتي كثير وراء بعض وترضعين وحامل ترا مرة ضغط على جسمك افطميه شوي شوي خلي رضعة الليل بس عشان نفسيته وأبدي قللي وقتها كل يوم شوي وعطيه رضاعة بعدها
اهم شي انتي الله يخليك لعيالك. كلي زين زين كثري خضار وفواكه وبقول وبروتين. منوع وفيتامينات واطلعي للشمس العصر ونامي زين. وأمشي وخلك نشيطة

اولا الله يتمم حملك على خير
انتي الحين جالسة تضريه مو تنفعيه لأن الحليب غير مفيد وقلي يجيب له اسهال احيانا توقفي فورا ترى الطفل ذكي ماشاء الله هو عارف لوبكى وسوى هالحركات بتحني وترجعي تعطيه قسي قلبك شوية معليش عشن صحة الجميع لا تديه مهما بكى وحتى لو ما أكل اتركيه ترى لو جاع فعلا بياكل وراح ينسى مع اﻷيام
على فكرة راح ينحف ويتعب كم يوم بس بترجع صحته أفضل من قبل لا تخافي
ايه ونسيت اشتري له ملهيات كثيرة والعاب جديدة
لاعبيه ولو باﻷمكان ابوه يساعدك افضل بحيث ما ينام جنبك يكون مع ابوه لو صحى يدور صدرك يعطيه الرضاعة والله يعينك
أهم شي لو قررتي كوني ثابتة لأنه ذكي ماشاء الله عرف انك بتحزني وتديه

والله يا اختي ضغط على جسمي فضيع احس بخمول وتعب اتفه شغله اسويها احس عروق جسمي كلها تنبض ويجيني هبوط في الضغط اشوف كل شيء اسود قدامي ارتاح شوي وتمر حتى نومي قليل انام ساعتين الليل واصحى اصحي عيالي واجهزهم للمدرسه واصلح فطور لزوجي وارجع انام الساعه 9 ساعتين واصحى معد انام اللي اليوم الثاني قبل الفجر بساعتين .
طبعا زوجي يساعد لاكن من بعيد لبعيد ومو مره . وهو اصلا سبب نومي القليل يتحكم في نومي وقومتي بالنهار اما الليل ما اصدق على الله ينامون عيالي واخلص شغل البيت.
وبالنسبه للفيتامينات اعطوني كالسيوم وحديد فقط طبعا الحديد مستحيل اتقبله طعمه صدى غير كذا اكلي مو مره للحين معاي الوحام غثيان وترجيع .
ومسألة اني اطلع العصر مافي مجال اطلع يوم الخميس والجمعه غيره ما اقدر عيالي عندهم اختبارات حسّن .
وضغغغط من كل صوب .اليوم حتى السستر في المستوصف تسألني كيف اقدر انام وهي عندها اثنين جننوها انصدمت من تواريخ ولادتي في عيالي ماتدري ان ابوهم غثى مايرضى في المانع واحراج اطلب اخوي وهو توه صغير يستحي من ذا الاشياء .
معليش على كلامي الزائد
اعتبريها فضفضه .