مواقف زوجيه طريفه

اما انا حصل لي موقف قدام زوجي ما بنساه من الفشيله رحنا مول وتعشينا وانبسطنا المهم بعد العشاء كله نسولف عن المواقف المحرجه اللي تصير مع الشخص قدام الناس وكيف يتصرف عاد انا اتفلسف واضحك المهم واحنا طالعين من المول ع المخرج اشوف محل الماس جديد تو فاتحينه وكل جدرانه قزاز تبرق من زود النظافه عاد انا ماره واشوف طقم يهبل ومدري وش صار قمت اجري لاشعوريا الا ضربه راسي وش قوتها بجدار المحل لدرجه حسيت انه بيتكسر وكل اللي بالمجمع سمعو صوت الضربه من قوتها ويناظروني طبعاً هذا كله صوت جبهتي 😂😂😂 والله ماحسيت ب الم قد ما حسيت اني كنت بغفله وصحيت وكل اللي يشتغلون بالمحل طاحو من الضحك وزوجي فطس من الضحك عاد هو طبعه كذا قدام المواقف المحرجه يموت ضحك وانا اسوي نفسي رسميه واطلع ماكنه حصل شي واحرم معاد ادخل هالمجمع .

ههههههههههههههههههه عجبتني سالفة الملاهي واللي عجبني اكثر نقابك الضعيف اللي بس مرمي😂😂
واما السوتيان يارباه حسيت بدوخه يوم تقولي معلق في المرايا واللي نظف السياره ماتدري ايش فكر وقتها يوم شافه مرمي بالسياره😅😅
يسعدك حبيبتي نورتي موضوعي يالغلا❤️

عادي كان مسكتيها عليه تعايريه كل شويه لانهم هم ماينسووو ويعايرونا مدى الحياه😂😂
نورتيني ❤️❤️

ليتك ساكته ومصورته فديو من باب الابتزاز اذا مارضي يعطيك مصروف او يوديك مشوار تقولي باوري اهلي واهلك الفديو وانت مسوي نفسك بنت😈😂😂
الله يسعدك حبيبتي نورتي💕💕

هههههه موضوع يهبل ضحكتوني وزوجي يطالعني مستغرب اكيد يقول وش هالمخفه اللي معي هههههه
أن ياطويلين الأعمار في السنة الاولى من زواجي وبالضبط لي سته شهور متزوجة قمت الصباح تعدلت وتضبطت وفطرت أنا والحبيب وعلى الفطور مطلع جواله ومسمعني مقطع صوتي سجله تتوقعون إيش؟!!!!!! شخير النذل يضحك لين تدمع عيونه وانا للحين مدري ويش السالفة إلا ويقول هذا شخيرك أمس مسجله وإنتي نايمة ماخليتيني أنام قمت اسجل عشان لا انكرتي معي الدليل. والله يابنات إني بغيت اموت باللقمة شرقت قلت كذاب لا يمكن هذا لي انا اساسا ما اشخر واصلا الله وكيلكم الصوت ماهو صوت حرمة إلا رجال ومتوحش بعد
المهم محتفظ فيه التسجيل وكل مايغير الجوال احصل التسجيل موجود بالجوال الجديد وذالني ذل فيه والدخلة والطلعة يشغله وخلفت بنتي ويشغل التسجيل لها وهي ياقلبي تضخك وتنبسط عليع وبعد ست سنوات زواج اعترف أن التسجيل هو مسجله بصوته وكان يمزح؛ ست سنين وهو رافع لي ضغطي فيه ست سنين وهو مخليني مسخرة وبالاخير يطلع صوته