وبعدين معي متى اتعلم

السلام عليكم
موضوعي بالمختصر انا زوجه ثانيه وبحكم اني من عائله معدده شي طبيعي زوجتين بشقه وحده ومع بعض انا عمري ٢٣تقريبا زوجي ٣٧وزوجته٣٩ مابينهم فرق ابد واحسهم مرايه بعض وانا ضايعه بينهم لا لا مزهريه زوجي يحب زوجته وانا اقدر هذا الشي فيه زوجته عصبيه وعنيده وهو مثلها واكثر دائما اذا في مشكله او بمعنى اصح اذا هي زعلت تقوم الدنيا وتقعدها فيجمعنا زوجي محكمه وكذا يعرف وش مزعله وش يرضيها ههههف المهم طول الجلسه نار وشرار بينهم وانا ساكته في الزاويه يعني حتى لما تشتكي مني ما اقدر ارد وادافع عن نفسي مايعطوني فرصه بس اجلس اطالع فيهم لو يقدرون كان قطعو بعض والله ما ابالغ هي تحلف وتوعد وهو يحلف ويوعد وانا مزهريه تزعل وتروح غرفتها وترمي عيالها هلي وهو ينزل عند اخوه وكل واحد اعند من الثاني هو اذا زعل والله مايتصل ولا يجي البيت وهي لو تموت جوع ماتطلع تاكل.
وانا الي اروح فيها اكل واشرب في عيالها (ماعندي عيال)اتصل عليها مايرد وبعد مرور كم يوم واحد فيهم يلين ويتراضون ويرجع زوجي عندها كم يوم رضوه لها واذا تذكر مر على غرفتي ترا والله ما ابالغ الصراحه كل ما اقول طيب انا اوريه بعاقبه انسى والصراحه مرات اتناسى هذي المره زعلت زوجته مني (رحت فيها ههههه)ودخلنا المحكمه وجلست تسب فيني وفهلي وانا اطالع فيه خيرا قمت وتركتهم تخاصمووحتى الفجر وهي لسانه طويل سبته فعصب وضربها المهم قال عقاب شهر مايدخل البيت طيب انا وش مصبرني عليه يربي ودي اعلم اهلي بس خايفه تكبر السالفه انا من تزوجت ماقد شكيت وما ابي اشكي لان يقولون الاهل يكبرونوالمشاكل بالله وحده تجي تقتلني وش انتظر منه انا تخيلو وصل لدرجه ما اتعب نفسي وازعل واسوي دراما لان عارفه مراح يهتم باااااارد بشكل عطوني حل ولا تعالو ذبحوني ههههه