كيف اتخلص من قريبه زوجي

السلام عليكم ورحمه الله وبركاته
كيفكم يابنات احلي عالم بالدنيا لكم وحشه ان شاء الله ماتكون مشكله بس ابي الحكيمات يعطوني حل للسالفه الي صايره لي
أولا انا من النوع القوي الشخصيه ولله الحمد لكن وحطو تحت لكن الف خط مااحب احرج او اطرد انسان نهائيا خاصه اذا كان شخص محترم او عنده ضروف خاصه
الي صاير عند زوجي قريبه هي طيبه وحبابه ولكن اذا زارتني دايم تتشكي من زوجها وانه ظالم ومقصر من جميع الجهات وفوق هذا ماشاء الله عيالها كثار واذا تزورني عيالها يخربون الدينا ودايم لا زارتني تقعد الي وقت متأخر مره يعني عادي لين 1 او حتي 2 اللليل وماعندها احد تخلي العيال عندهم
وفوق هذا تطلب مني بعض الأحيان اساعدها ماديا وانا مو كل مره اقدر اساعدها بعض الأحيان اعتذر او اعطيها مبلغ بسيط بالبدايه كانت تجيني كل شهر مره بس الحين تبي أسبوعيا انا مااقدر أسبوعيا استقبلها خاصه كل مره لازم اسوي عشا او اطلب من بره عشا لهم وزوجي ينحبس بغرفه النوم عيالها كل شوي واحد طالع للصاله واخر مره قفلت عليهم المجلس عشان زوجي يأخذ راحته وقعدو يبكون ويسوون ازعاج
انا اعتذرت منها كثير وكل مره اطلع حجه بس هي مو راضيه تفهم وانا صراحه مقدره وضعها ماابي احرجها او أقول لها ماابيك تجين لي فماادري كيف اتصرف معاها ياريت تعطوني حل حلو بحيث مااحرجها او اكسر خاطرها اعرفكم ماتقصرون ربي يسعدكم ويفرج همكم يارب