شاركي في النقاش

سجلي الدخول لإضافة تعليق.

التعليقات

1,163
  1. @shrok_49

    بقولكم موقف صار لخالتي قبل كم سنة اول ما تزوجت كانت هي و زوجها يتقهوون في الصالة وبعدين اخذت خالتي جوالها بتصور زوجها وتستهبل تلقط اكثر من لقطة وحدة من الصور يوم رجعت لها صدمة!!! طالعة فيها بنت! وراء زوجها بالضبط في الزواية وكانت متخبية وراء الستارة وكان نص جسمها طالع ومو واضحة مرة ملامحها لكن تشبه بنت خالي كان وقتها عمرها ٩ سنوات ومستحيل مافي اي امكانية يكون بنت احد لانهم لسى ماجابو احد وفي مدينة ثانية عن اهلها 😱 مرة تخوف الصورة شفناها واستعجبنا وعرفنا ان عدسة الكاميرا ممكن تشوف الجن زي ما قال شيخ نعرفة


    وبس
  2. @am_aabod_37

    طيف خيال الاحباب
    موووقفك القلب الكبير غررريب وعجيييب بس بجد انا خفت وأنا أقرأ موقفك بصراااحه مااتحمل هالموااااقف أمممم انا اذكر لكم موقف حصل مع صديق ابوي قال له انه كان يربي قطه بمنزله الى ان كبرت وتعودت عليهم كثييير طبعا مع الايام قرر الرجال انه يود…
    لانها تعودت على المكان خلاص وعايشه فيها من هي صغيره تقدر ترجع لو تحطينها اخر الدنيا سبحان الله ريحتها بهالمكان تعرفه بالريحه زي الحمام سبحان الله تربينهم واذا حطيتيهم بمكان بعيد بيرجعون
  3. @shambo_hyrbl

    خلوني أخوفكم شوي تشويق احب قصص الرعب اقولكم قصة الاستراحه احنا عندنا استراحة على طريق الطايف تحت طلعة الي تنزل منها لآخر الرياض كان ابو زوجي حاط فيها غنم تيوس وكم عنز وقدام الاستراحه حقتنا جبل كبير انا ماادري كذا اذا ناظرته اموت من الخوف واقشعر والمكان كذا في الليل مو مريح وكنت احس ان هاذا الغنم مو صاحي بِسْم الله كنه مسكون اذا جينا عندهم يطالعون فينا بشكل غريب وكلهم مو وحده ولا ثنتين حصل أشياء كثير ومواقف غريبه منها انهم جابو كلب وبعد مده هجم على ابو زوجي وأخو زوجي وعظهم والحمد الله كانت اصابتهم طفيفه وذبحو الكلب الغنم وحده من الغنم جاها تشنج وحتى الدكتور البيطري يقول انها مسكونه بِسْم الله الرحمن الرحيم والحمد الله ابو زوجي باعهم كلهم وارتحنا منهم ورحنا بعد الغنم كم مره تغيرت صارت ونيسه اكثر وماصارت تخوف مثل قبل


    تبون موقف بس مدري اخاف ولا اضحك 😂يوم كنت صغيره كان عندنا بيت في الطايف من المواقف الي كانت ترعبني موقف البيت المسكون والحرمه الساحره طيب كنّا مستأجرين بيت وكان عندنا فوقنا جيران اصحاب البيت كانو ثلاث بنات قريب عمرهم من عمري وكنا نلعب في الحوش المهم كنّا نروح للبقاله الي بعيده شوي عن بيتنا عشان القريبه ماعندها كل شي وكنا نمر من بيت ماكان عنده سيارات بنات جيرانا الله يسامحهم قالو اي ان هاذا البيت مسكون امر من البيت الي قدّامه بعدين اقطع الشارع وامشي من قدام البيت مو من جنبه علطول وكل مامرينا من عنده قالو شوفي امس كان الشباك مسكر واليوم مفتوح شوفي امس كانت اللمبه مطفيه واليوم مولعه البيت كان بعد شارعين من شارعنا بس وعلى هالموال اربع سنوات أعيش في رعب من هاذا البيت وكان فيه عجوز اذا شفنها تمشي في الشارع يقولون لي هانتخبى منها هاذي ساحره وأتخبى معهم بعدين اكتشفت ان البيت مو مسكون ولا شي شفت اهل البيت وسألت امي بعدها بفتره قالت لي بالخبله يلعبون عليك البيت كو مسكون والحرمه شفتها كم مره شايله بقشه على راسها اثاريها تطلع العصور تبيع على اهل الحاره اكتشفت بعدين انها حرمه عاديه ترزق الله لانها جتنا في البيت 😂وبس زعلت عليهم كم يوم بعدين تصالحنا واتفقنا مافيه كذب كذا يحبون يفلمون علي وانا ماكان يجيني النوم من الخوف كنت أقوم في الليل اشوف الباب مقفول ولا لا عشان اخاف تدخل علينا العجوز الساحره وكنت ماامر من هذاك البيت اذا كنت لحالي اخاف يطلعون بِسْم الله علي 😂

تابعي تجارب أخرى من هذا القسم.