سويت سندويشات تقديم بعجينة العشر دقائق روووووووعه

السلام عليكم ورحمة الله وبركاته

شخباركم مع الشهر الفضيل ان شاءالله اتكونون في احسن حال

امس صار اعيالي خاطرهم في البيتزا

قمت وعجنت عجينة الاخت فيافي جزاها الله خير عجينة العشر دقائق طبعا من سويتها

وعرفتها مااستعمل اي طريقه غيرها

والله يجزاها خير الاخت ام عزيزان اهي اللي خلتني اعتمدها للابداعات اللي سوتها بهالعجينه

طولتها عليكم واهي قصيره ... بالنسبه حق طريقتي

انا احط بس ملعقه واحده خميره واضيف ملعقتين حليب بودر وهالمره بعد ماعجنت العجينه

حطيت معاها 2 كيري بس صارت العجينه روووووووووعه ومعجناتي طريه لي يوم ثاني

ماتغيروا

المهم سويت منها البيتزا الحلزونيه والبيزا العاديه وسويت رول صغار كورتهم ودهنتهم

بحليب ونثرت اشويه سمسم علي الوجه وسويت نوع ثاني كورت العجينه مثل الرول ومديتها

اشوي صارت جنها صمون صغير ودهنت الوجه بحليب ونثرت فوقه اشوية حبة البركه

ولما نضج ابو الحبه البركه حشيته لبنه وحطيت ورق نعناع والرول قطعة جبن وخس وطماط

بس شكله وطعمه رووووووعه لين اليوم الصبح طري حطيته فطور حق بنتي الصغيره وخليت

لها بعد منه في شنطة المدرسه

وياريت كنت اعرف احط صور جان صورت لكم سندويشاتي الكشخه

وباسويها بعد باذن الله يوم الجمعه باوديها وياي بيت امي

تدرون ودي اسوي العجينه الملونه اللي ايصير منها سندويشات اخضر وبرتغالي ياريت

اللي اتعرف الطريقه تكتبها لي او تحط لي الرابط

ادري مافدتكم بشي بس حبيت احط لكم تجربتي وياهالعجينه العجيبه ماشاءالله تبارك الله

22 تعليق 8,979 مشاهدة

شاركي في النقاش

سجلي الدخول لإضافة تعليق.

التعليقات

22
  1. @um_nawari

    يعطيج العافيه شموخ

    اانا بعد جربتها الحين على رمضان من قبل اشوفها بالمنتدى وكل يوم بكره بس طلعت روعه

    ان شاء الله نجربها على السندويشات
  2. معليش أختي ممكن الله يوفقك تكتبين لي طريقة عجينة العشر دقائق للأخت فيافي وأكون لك شاكره

    وكل عام وأنتم بكل خير

تابعي تجارب أخرى من هذا القسم.