انا كشخه وانيقه لبسي كله ماركات

انا اشتغل بمحل نسائي معروف وله سمعته بالرياض وأغلب زبايننا من آل سعود وقبائل كبيره مثل الراجحي وآل الشيخ وطبعا مايجيبون الا ماركات والله العظيم والله العظيم لو يقدمونها لي مجانا مالبستها يابنات شي فضيع موديلات خايسه والوان مو منسقه الا يدخلونها على بعض بالغصب والأسعار خياليه ويشترونها ابيعها واكتب فواتير واقول بنفسي وييييع كيف تلبسها والله بعضهم جميلات وناعمات واجسامهم تهبل ويضلمون نفسهم ، هذي الملابس العاديه حقت العزايم بالنسبه للفساتين ما انكر ان فيها الجميل ونفسي البسه لكن خير ان شاءالله اشتري فستان ب ١٥ الف و ٢٠ الف لييييه واللي بيقولون بلا كذب مافيه فساتين ب هالاسعار تروح تبحث عن ماركة طوني ورد وزهير مراد وتشوف انا كذابه ولالا هذول من اللي يجيبونها المحل وتخيلو ان الجلابيات على الفين وثلاث و اربع وهذي وهي للبيت 😭😭 تدرون مره شريت بجامه من سيتي ماكس ب ٨٠ ريال وغسلتها للمره المليون ولين الحين متحسفه عليها 😂

مره رحت للمستشفى وكانت علي شنطه ماركه مميزه
وجوني بنتين كل وحده تسالني من وين شاريتها

اوكي حلو بالنسبه لك بس هل تأيدين انك تدفعين عليه ثمان ميه والف و الفين ولا تحسين في الموضوع استغفال ولهط فلوس ع الفاضي !!!

والله يابعض الماركات انها ارخص من المحلات العاديه
اما اللي ماركات عالميه غاليه مره ذي ما اقرب صوبها نهائيا
خبله انا احط فلوسي فيها والبس مرتين ثلاث مرات وتغث كبدي واطفش منها
بينما اللي سعرها معقول ايه عادي البسها واكرفها واشتري غيرها
والهياط ياكثره

ايه يختي هذا اللي انا اقصده وهو انهم خلاص انعموا دامها ماركه اكيد بيشوفونها واااو اجل بجامه سعرها يتعدى ال ١١ الف ويلبسونها ومبسوطين وهي شكلها يفشل ولا تي شيرت عادي مكتوب عليه اسم الماركه ب الفين وثمان ميه !!!!!!