تعبت من هالزوج ابي حل

السلام عليكم
قسم بالله قسم بالله اكتب لكم
وانا احس بنفجر وصدري ضايق
لاكن مو قادره ابكي
سنتين ونص ع ذا الحل ولا اقدر ابكي
انا من النوع اللي تتعب نفسيتي اتمنى ابكي
واصارخ لاكن مافيني بكى فيني هم
فيني ضيقة صدر
فيني تعب نفسي
عمري قريب الثلاثين متزوجه قبل
سنتين ونص
من يوم كنت ببيت اهلي
اهانات تمسخر ع شكلي
يالدبه يالشينه ياسودا
اخوي كان يسميني السواد
مع اني لوني صفرا قمحي فاتح
لاكن مقارنه بخواتي سودا
كبرت وصرت احاول اتجمل احاول اتزين
قد ماقدر لاكن شكلي ع قدي مقارنه
بعائله كل وحده تقول الزود عندي من الجمال
تقدم لي شخص والله ثم والله
اني كنت حاسه ١٠٠٠ بالميه ماراح اتوفق
واصلا استغربت كيف خطبني وهو وظيفته
حلوه وشكله احسن مني
خواتي بحسن نيه
يقولون حظك زوجك حلو
حظك زوجك احلى منك
تزوجت زواج تقليدي قبل سنتين ونص
حتى شكلي بالزواج عادي ماعجبني
زوجي من اول ليله مامل لي واقسم بالله
الى هاليوم ودي اساله ليش اخذتني
وانت مو مقتنع فيني
كنت ع بالي بتزوج برتاح من الهم اللي عند اهلي
طحت برجل خاين خاين خاين خاين
خاني الى راسه واذا تكلمت قال موب عجبك
انقلعي بيت اهلك
انا زين متحملك
زين متزوجك
الكلمه اللي كسرتني كسر
قالي حتى
خواتك حلوات ولا طلعتي عليهم
اااااخ يالجرح
عارفه سامع من اهله انه خواتي حلوات وبيض
طنشت انا وقلت بصوت خفيف اصلا موب رجل انت
حتى اخوك احلى منك صفقني كف حسيت بدوخه
شلت عباتي ولبستها وقلت ودني الحين لاهلي
جلس يضحك باستهزاء قال اوديك يالشيفه
ليه ماوديك
رجت لاهلي واول مره من سنتين ونص
ابكي عندهم واطلع كل اللي بقلبي
قلت خاين وقلت مستحقرني ويتطنز على شكلي
وقالي خواتك احلى منك مع اني
كنت اكابر عند اهلي واسوي نفسي زمان قويه
ولا اعلمهم بالاشياء هاذي عشان مايرحموني
او يحسون يشفقه او خواتي يعرفون نقاط ضعفي
كان اهم شي عندي كرامتي قدام اهلي
واسوي يقالي محترمني
شفت صور بجواله بنات ملكات جمال
صور شبهه عاريه حسيت بكل بساطه اني
مو بنت
ولا الومه انا يوم شفت هالبنات الشوارع
قسم قلبي عورني من الجمال
يعني جلست افكر اقول خسارت جمالها
وجالسه تسوي هالحركات
بعدين اقول
هذاه تسوي الحرام و و وربي رازقها هالجمال
باختصار طايحه من عينه بقوه
لي شهرين عند اهلي ماسال عني
مايبيني
سنابه مفتوح
فضايفته بحساب ثاني انا مايعرفني
سفرات وطلعات وشاليهات وعايش حياته
وانا مقطعه نفسي بكي ونفسيتي زي الزفت
اهلي يقولو انتي سخيفه ترا الموضوع عادي
وكل الرجال يخونون وكل الرجال مو مقتنعين
بحريمهم كانهم يقولون عادي ارضي فيه بعيوبه
انا حتى لو اني عاديه حتى لو اني شينه
مستحيل مستحيل اسمح له
يخونني شوفو لما قلت اخوك احسن منك
صفقني كف
لو اخونه واسوي زيه اجل؟؟
اللي ماتزوجت بقولك كلمه لاتحطين طموحك
الزواج مثلي ابد ابد
حتى لو عيشتك عند اهلك نار ممكن تكون
ارحم الف مره من قهر وحرقت القلب اذا شفتي
رجلك وزوجك مو مقدرك
مو شايفك شي