مشكلتي مع خواتي

السلام عليكم ورحمة الله و بركاته
مو عارفه من فين ابدأ بس بقول لكم مشكلتي بالمختصر
مشكلتي مع اخواتي لين الحين ما لقيت لها حل
خصوصا اختي البكر لاني الوسطانيه و عندي اثنين خوات كبار و اخوات اصغر مني اختي الكبيره عمرها 35 انا وياها كأننا اعداء او ضراير
ما اعرف كيف اتصرف معاها عقلها عقل طفل
انانيه و ماديه و حقووووده و ما تهتم الا نفسها و من تصرفاتها باين انها تكرهني
و بين هواشاتنا قهرتني لما قالت لي اني عاله عليهم
مع اني و الله طيبه معاها و احاول قد ما اقدر احترمها و اجاملها
و حالي حال نفسي
و اللي يخليها تتمادى اكثر امي توقف معاها حتى لو هيا على غلط
و هذا الشيء يكسرني و يحرق قلبي ولما اخواتي يتهاوشون معاها توقف بصفهم لان هيا على الغلط
مع اني اكثر وحده باره فيها ما تعدل ابدا و تظلمني
من جد كارهتها كره مو طبيعي هي الشخص الوحيده اللي اكرهها بحياتي
و الحين انا مقاطعتها من اكثر من سنتين و خايفه
من عقاب ربي لاني ما اكلمها مع اننا ببيت واحد
بس والله حاولت اعدل علاقتي فيها بس تسوء اكثر
ولنا متخاصمين و مو متفاهمين اكثر من خمس سنين
اما خواتي الباقيين والله ما اعرف ايش اقولكم
هم اكثر الاشخاص اللي يألموني مع اني احبهم كثير
يظهرون لي الطيبه و الود بس من ورايا الله العالم ايش يكلمون عني او يسونه لانه الكافر ما يسويه لاخوه
و انا كاشفتهم من اول بس ساكته لاني ما ابغى علاقتنا تتوتر و ما ابغى اتحسب عليهم مهما كان هم خواتي
والله مو عارفه ايش اسوي
اتجاهل كل شيء و اسوي نفسي مو عارفه شيء
او اخلي علاقتي فيهم رسميه عشان لا اتألم زياده
انا بحيره و دوامه
ربي يسعدكم حبيباتي ابغى نصيحتكم لان لي سنين ساكته و صابره
ودعواتكم لي ان الله يفرج همي و ييسر اموري
و يرزقني بالزوج الصالح اللي يعوضني على كل شيء عشته

27 تعليق 6,149 مشاهدة

شاركي في النقاش

سجلي الدخول لإضافة تعليق.

التعليقات

26
  1. @am_bnaty_obs

    انتم خوووات خوات خوات طلعين من بطن واحد لــــــــــــــــيش الحقد والغيره
    اختك تحبك
    وانتي بعد تحبينها فلا تخسرين اختك
    الدنيا ماتسوا
    حولي تتنزلين اسمعي من اذن وطلعي من اذن
    سولفي معها اطلعوا سوا
    تمشوا تقههوا
    بين فتره وفتره اهدي لها هديه
    ترا حل المساله سهل
    بس انتي تعوذي من الشيطان
    ترا ذي اختك
    لاتخلون الشيطان يفرق بينكم وتضحكون الناس عليكم.
  2. @aanog_babha

    حبيبتي مو معقوله
    اختك الكبيره عدوتك
    وامك عدوتك بصف اختك
    وخواتك الباقيات كمان يتكلمون من وراك ويسبونك فيك


    البلاء مو بخواتك البلاء فيك انتي بلا شك وساويس في اختك صفي نيتك واضهري حبك لاخواتك ترا الدنيا ماتسوئ

تابعي تجارب أخرى من هذا القسم.