يدي بيدك نحو اطلاله ولوك جديد بالعيد 😍

وانا معاكم بأذن الله

هلا بك حبيبتي يسعدلي مرورك .. باذن الله كل شي سويته وفادني راح انزله لكم ..
بس قولي لي انتي ناويه تسوين هالسنه باذن الله

يالله ياحلوات اللي ردو وتمموا لي قولوا لي ايش ناوين تغيرون وتجددون من انفسكم .. وايش المشاكل اللي تعيقكم لها وباذن الله نشوف لها حل

بقولك ع نظامي وان مشيتي بحذافيره راح ينزل وزنك باذن الله
الصباح .. ع الريق كاس ماء دافي مذوب بملعقه عسل +نص عصرة ليمون
بعدها تسوين رياضه مشي او على الاوربتراك من 40 د الى ساعه اقل من كذا ماينفع لانه الجسم مايبدا يحرق الا بعد نص ساعه
فطورك * بيضه مسلوقه او توست بر مع مسحه جبن قليلةالدسم او كورن فليكس سواء شركه (فتنس او سبيشل كي)
(وجباتك لازم يكون فيها خضار عشان ماتبهت بشرتك ولا يجيك امساك)
*فطورك لازم يكون بدري من 6 الصباح الى 8 ..
*طبعا النوم بعد الاكل مباشره ممنوع الا بعد ماتكملين ساعه
*شرب الماء او الشاهي الاخضر بعد الاكل ممنوع الا بعد ساعه
*القهوه مسموح لك فنجالين في اليوم فقط والشاهي الاحمر ممنوع والسكريات ممنوعه شيبسات وحلويات وعصائر ممنوع
الفاكهه :كولي فقط الاناناس والكيوي ومره وحده في اليوم فقط
الغدا : شريحه وحده فيليه دجاج او سمك مشوي او تونه منزوعه زيت او كبده او بيض مسلوق (المهم بدائل بروتين ) مع سلطه وشوربه حارقه (هذه الشوربه ممتازه تحرق وتفتت الدهون تعطى المرضى اللي عندهم عمليات زي القلب وغيره لكن يعيقهم سمنته الزايده فيضطرون الدكاتره يعطونه الشوربه الحارقه مده اسبوع او اكثر حتى ينزل وزنه ويسوون له العمليه ) مكوناته.. كرفس +بقدونس+بصل اخضر+ملفوف+فصين ثوم+فلفل اخضر +كوسه
كلهن تشوحينهن ع النار مع ملعقه ويت زيتون ثم تصبين عليهم مويه وتخليهم يغلون لحد ماتشوفين انه الكوسا استوت بعدها حطيهم في الخلاط ورجعيهم للقدر يطبخ شوي ويكون قوام الشوربه زي شوربه العدس
*ضيفي بذره الكتان وتكون مطحونه بوقتها لشوربتك او السلطه تساهم في حرق الدهون
الشاهي الحارق اشربيه بعد الغدا بساعه ولاتنسين شرب الماء طول اليوممقدار قاروره صغيره تعادل 10 كغ بمعنى اذا وزنك 50 تشربين 5 قوارير في اليوم وهكذا
العصر يكون كله رياضه وتمارين وزومبا وسكوات وشد البطن ومشي (اي تمرين يجي ببالك سويه وحاولي بالبدايه يكون 50 مره ثم 100 ثم 150 ال 200 )
* العشاء يكون بدري بعد صلاة المغرب واخر حد لك الساعه 8 وتوقفين ماتاكلين شي ابدا ويفضل تنامين عشان ماتجوعين وتضطرين تاكلين
عشاك لازم يكون خفيف اما سلطه زلادي مع بذره كتان او زبادي لحاله بس لازم يكون قليل دسم ويكون معه خضار سواء خس او خيار او جرجير
استمري على هذا النظام
واوزني نفسك كل نهايه اسبوع واكتبي بورقه مجدولتها على الايام من كل اسبوع والتاريخ وعند كل يوم اكتبي ساكون رشيقه وسأصل للوزن اللي ابغاه
وسجلي وزنك الخالي (؟ ) .. راح تشوفين كيف وزنك بالتدريج ينزل
وبالختام اسال الله لكم ولي التوفيق والسعاده وان يحقق امانينا ونحن بصحه وعافيه ❤

وهذي مشكله السمنه اول واهم مشكله تعيق اغلب البنات اللي يبون يوصلون لوزن مثالي .. وباذن الله هذا حلها يابنات استمري عليها وتعالي قوليلي بوزنك بعد شهر باذن الله.. فيه بنات كثييير مشوا على هالنظام واوزانهم فوق ال90 كغ وماشاء الله تبارك الله نزلو فوق ال25 كغ وبان عليهم تبارك الرحمن وهم على هذا النظام 3 شهور ومازالوا مستمرين حتى يوصلون للوزن اللي يبغونه