بنت زوجي بتدخلني مستشفى شهار

وش ذا الكلام كله ع طفله صغيررره ترى هذي الطفله مهما سوت تبقى طفله ماعليها اي ذنب لسه صغيررره
يعني كل ماسوت شيء اعتبري انها ماتفهم ولا تدرك اخطائها ومهما حاولت تعاند تراها فاقدة شيء انتم م اكتشفتوه يـ انها محد يعطيها وجه وتبي تلفت انظاركم او انها تلقى صراخ وتبي تثبت شخصيتها انها قويه بس ماعرفت لانها صغيرررره
تعرفي ايش يعني صغيرة بنتي نفس عمرها الله يخليها لي والله تحوس وتخرب ليش؟!
لانها فاضيه وطفشانه وتعبي فراغها بكذا
الاطفال يحتاجون شيء يسليهم يمضي وقتهم لانهم بجد يطفشون مو زينا ع جوالاتنا ونطقطق
اخيراً حاولي ب أقصى جهد انك تكسبينها وتحتوينها اعتبريها بنتك وحاولي تحبينها وتحببينها فيك واكسبي فيها اجر
ترى الاطفال يعرفون اللي يحبهم واللي مايحبهم وأكثر شيء يزعج الطفل رفع الصوت والضرب مرررره يخليهم عنيدين وينكسرون كثير ولو م اظهروا هالشيء
انتي بس خذيها بحيل يعني اعطيها مثلاً مواعين من عندك تكون مو قزاز وماتستخدمينها كثير وقولي لها تلعب فيهم ومضي وقتها بشيء حلو عشان ماتحوس لكم
ولا اعطيها العاب او ملابس عروسه وخليها تلبسها وتمشط لها
ترى الاطفال بـ هالزمن يعانون من الفراغ لاننا صرنا نعيش بعالم التكنولوجيا وهما وحيدين مانعطيهم حقوقهم وهالشيء انعكس عليهم ب تصرفاتهم الله يحفظ زينة الحياة الدنيا اطفالنا ويهديهم ويجعلهم قرة اعيننا ❤️.

ماجبتي شي جديد
كل الاطفال يسوو مثلها واكثر ..

عادي كل الأطفال كذا انا عندي ولدي خمس سنوات الله يصلحه لاتسوي كذا يسويه عناد أمسك نفسي ماودي اضربه
والله يجيني ملابسه كلها مويه يقول قاعد أسبح ومره كب الأكسجين حق المشقر عالفرشه انعدمت أشوا انها غرفه النوم
يجيني شعره فيه شامبو كل شوي يصيح يبي شي طقني اخوي ويصير هو البادي وهواش وصراخ جنني
صرت أقوله بهداوه ليش كذا طيب اللي تسويه صح ولا خطأ يقولي خطأ طيب ليه تسويه وتزعلني تبي أمك
تزعل يقول لا زي كذا او صير مؤدب واعقل مرات ينفع فيه ومرات وش نسوي هذي الأمومة متعبه
وأخته اللي اصغر منه سنه وأربع شهور بدت شطانتها تتعلم منه والله يعين بس

البنت تسوي كذا عشان تلفت الأنظار لها تبغى اهتمام و كل ما ابوها ضربها تزيد الشقاوة أسوء شي الضرب مرة يزيد الشقاوة و العناد عند الطفل
و كوني هادئة معها و هي راح تهدى و إذا سوت شي غلط انزلي لمستواها بنظرة حازمة و قوليلها كذا غلط و عيب لازم نظرتك تكون حازمة عشان ما تحس انها أثرت فيك بالغلط الي سوته
و هي ناقصها اهتمام و حنان لازم الاهل يدلعونها و يحضنوها دائما و خصوصا إذا مدحتيها قلت انت حلوة و جميلة مرة البنات الصغار يفرحون بالمدح و تمدحين فستانها و تسريحة شعرها

أختي أنا معاج إن الاطفال المشاغبين مشكلة خاصة ان كانت المشاغبة فيها وقاحة .. لكن هذا أبد ماهو مبرر لأبوها يضربها ولا أمها .. انتو تألمون طفل ما يقدر يرد عليكم ..
جربي انك تكوني اللي تحمينها من الضرب وانك تكوني اللي تتخبى وراكي ..


شوفي يا اختي أنا لي حد من محارمي متزوج 2 .. وحدة جابت ولد ولا جابت غيره والثانية كل سنة ولد ..
ام الولد كانت تساعد ضرتها دايما وتخبي اولاد ضرتها في غرفتها لما الاب يعصب عليهم .. وترحمهم وكانت علاقتها طيبة بضرتها .. مع ان زوجها كان عصبي ويأذيها ..
قبل 4 أسابيع كانت منومة ولدها وولد زوجها عندها لأن كانت ليلة ضرتها .. والصبح تأخرت في القومة وجات ضرتها تشوفها لقت الحرمة ميتة في فراشها ..
تقول أمي والله أن ولد الضرة يدق باب الغرفة ويصرخ ليش خالو ما تفتح لي .. والضرة تبكي تبكي محروقة تقول ماتت اختي ..


أعدي لهذا اليوم أختي .. اكسبي محبة البنت واحتويها .. طفلة وبتكبر .. وربي بيرزقك بركة بلا حد في انك تحمينها من ابوها لو ضربها ..