من تطلع وتجي براحتها ؟؟ 😟😟ولا احد يتدخل فيها

انا عندي سواق واغلب وقتي دوام بس اذا بغيت اي مكان اروح مشاويري كثيرة مرة وكلها للضرورة عشان كذا اهلي معطيني الضوء الاخضر يعني مثلا لو انا بإجازة ومو ناقصني شي من السوق واكثر من مره طلعت بغرض التمشية ماراح يخلوني والله يا أمي ان تجي وتهبدني 😅 بس لأني مسؤلة عن نفسي مثلا ابي شريحة انا اخذ السواق واروح اطلع لي او طلبت طلبية ووصلت ارامكس انا اروح استلمها وكذا كل شي انا اسويه كبير وصغير

أتمنى اقضي مشوار مع زوجي ذبحنا السواق انتي في نعمه زوجي فديته انوااااع التصريفات 😄

محد راح يفهمك غيري تدرين ليه
لان بالضبط نفس وضعك
زوجي ماشا الله ابدا ابدا مو مقصر معايا بروحات وجيات ومشاوير لدرجة مرات يلغي شي عنده ويوديني

بس انا ناقصتني الحريه مرات اقول هذا ابليس يوسوس لي وحريه وكلام فاضي
ومرات ازعل واقوله اديني اذن مطلق بالخرجه مو لازم استأذنك خلاص متى ما اشتهيت الخرجه اتصل على اوبر واطلع بس هو رافض لان مو شايف سبب لطلبي
يقول مو منقص منك شي لما تستأذنيني وانتي عارفه اني ما ارفض خرجاتك


وفعلا كل مكان اروح مايمنعني بس شي نفسي مو راضيه اتغاضى عنه


اكتشفت بعدين ان شخصيتي بالانماط شماليه واصحاب هذا النمط يحبو يكونو مسؤلين ويخلصو امورهم بنفسهم وينجزوها بسرعه بإعتمادهم على انفسهم
احس اني قادره امشي حياتي بنفسي وما احتاج استأذن احد لاني حره بس ماكل مايتمنى المرء يدركه


والحمد لله على وجود زوج متفهم بحياتي ومايقصر ولاكان علوم 😂

أنا عندي ولدي الله يطول فعمره وكنت أقول متى يكبر ويوديني بالرغم زوجي مايقصر بس صرت أتمنى يرجع زي قبل لأن اعتمد على ولدي في أكثر الأشياء

طيب مو شرط سواق لو زوجك رافض
الله يسلم اوبر وكريم جربيهم