يدي بيدك نحو اطلاله ولوك جديد بالعيد 😍

ابشري راح انزلها اليوم باذن الله في موضوعي الخاص بالعنايه

حياك الله حبيبتي .. وحنا معك بنشجعك

والله مو صعب لو تشوفين كميه الاحباط اللي فيني قبل شهر وعليها كنت مستبعده اني انحف .. بس جزمت وحطيت لنفسي وقت معين قلت شهر بس بعزم وبسوي رياضه وببعد عن الحلا والرز والغازيات وامشي ع نظام غذائي معين وجبت ميزان وصرت اوزن نفسي كل اسبوع .. والله كان زوجي يقولي كولي ياشيخه جسمك مافيه شي قلت لا مصره اني انحف وعندي لبس كان مايسكر ابدا مخليته قياس عندي .. الحمدلله بعد اسبوعين سكر واستمريت الى شهر صار وسيع ولله الحمد ومستمره الى الان .. بس بديت عادي اكل من الحلى اما الرز قطعته والغازيات والحمدلله اي شي اكله احرقه بالرياضه ..
شوفي ام حمودي خوذيها بتحدي .. تحدي نفسك وخلي يكون عزيمه بالليل اذا جعتي اشربي مويه او شاهي اخضر ونامي افضل لك .. كل مره عن مره بيخف الجوع عندك .. وترا الجوع اذا حسيتي فيه اعرفي انه جسمك بيحرق نفسه عشان يحرك الوظايف اللي فيه فاتركي نفسك تجوعين لضمان الحرق وبالتوفيق

صبايا والله كل شي انزله لكم من واقع تجربتي لاشعر ولاجسم ولابشره كلهن من تجاربي وحصلت نتايج مبهررره ولله الحمد .. سووها وانتو متطمنين ..
وانا امشي ع هدي الرسول اللهم صلي وسلم عليه وقوله (لايؤمن احدكم حتى يحب لاخيه مايحب لنفسه).. وهالشي عشان حبيته وشفت نتايجه حبيت اطرحه لكم واختصر عليكم كل المشاكل ..


اهم شي ياحلوات الموضوع هذا لايهجر اطلب منكم فقط تذكرون لي يومياتكم نبغاه يكون زي مجلسنا الخاص نجتمع فيه ونذكر تجاربنا ونفيد بعضنا .. واذا قل دخولي فوالله اني مشغوله لكن مانساكم كل ماخلصت شغله جيتكم وشيكت عليكم وع الخاص


الله يوفقني وياكم لما يحبه ويرضاه

من فين الكريم هذا ؟؟
وكم سعره؟