خيتي ترا موبس انتي تتعايرين كثير منا كذا الناس تعايره بالي بيده رو موبيده واولهم انا تخيلي موب صديقه تعاير الا اخواني وامي الي من لحمي ودمي يعايروني ب عدم الزواج وبضعف نظري دايم وهم السبب في ذا كله والله انهم جارحيني جرح مايبرا وادعي عليهم اخرها اليوم العصر تهاوشت مع اخوي عشان عطيت امي السمبوسه تلفها تساعدني لان امي عازمت اخواني للعشا وللفطور ومافي الا انا اشتغل جت بنت اخوي قلك تساعدني اشتغلت شوي ونامت وانا مسويه عمليه بعيني والدكتور مانعني من انزل راسي كثير حتي السجود مانعني لاني مسويه انبوب .ولمن قلت ابي تجيبوا شغاله تساعدني قوموا الدنيا ويش قال هو وامي عارفين حركاتكك ذي عشان ردينا الخاطب مسكينه معد فيك صبر تبي الزواج ..وفو التفكير. والله يابنات من 1ظهر لين قبل شوي وانا اكرف فالمطبخ وماحد سال عني عيني تعورني وصدري ضااااايق وتعبانه ..مجتمعنا متخلف بمعني الكلمه المراه يفكرها انخلقت بس للخدمه .حسبنا الله ونعم الوكيل
ماادري وش اقول لها ماتنلام عايشه بين عقول هذا تفكيرها اذا ماتزوجت ماتت بالحياه من يوم احنا صغار ومجتمعنا يشوف ان الي ماتزوجت مافيها خير فيها بلا وفيها وفيها لكن لو سكتت بتستمر وتزيد ويركبونها الغلط والعيب وهي مالها ذنب خليها ترد تتكلم تدافع وعلى فكره تري الزواج مو الجنه الحمد لله والشكر ناس مدري كيف تفكر ماعاد احد يخلي احد بحاله حتى النصيب واراده الله يحشرون انفسهم فيها قله حيا والله لو سكتت مايسكتون ،،،
اولا ياااختي الله يسهل عليك ويرزقك ماتتمنين ثاني شيء هالانسانة واضح مقهورة منك وماصدقت ان حصلت موقف تطلع فيه اللي بداخلها من حقد وغيرة انا بمكانك اتركها ولااكلمها ابدا طول عمري الانسان اللي مايحترم غيره ويقدره ويكف لسانه وشره ايش فايدتي منه ولاشيء حنا بالحياة محتاجين من يوقف معنا بالسراء والضراء في الحلوه والمره اذا ماحصلت هالانسان بهالمواقف ايش ابغى فيه بحياتي! ثالثا هي ماتعاير الا نفسها من قال المتزوجين بس اللي الخير محصور فيهم واللي ماتزوجت والمطلقة والارملة مافيهم خير!!! هالعقليات الخايسة المنحطة ذي مدري متى تستوعب ان الزواج شيء مكتوب من رب العالمين مو احنا بيدنا شيء وهي بكلامها تعترض على رب العالمين مو على البنت بالاساس! تستهزا على كتبة ربي!!!! من قال الزواج لفئة معينة من الناس الزواج شيء مكتوب بياخذه اللي ربي كاتبه له سواء كان فيه خير ولامافيه ابيض ولااسمر نحيف ولاسمين طويل ولاقصير! يتوقعون اللي مثل هالعقليات ان زواجهم انجاز منهم وكأنهم وصلوا للقمر!!!!!! تخلف! انا محدثتك مابقى كلمة ماانرمت علي وجارحه بعد اللي حتى الاطفال ينقلونه عن اهلهم وسامعينه منهم اللي تقول بنحضر عرس خالتي فلانه وفلانه وعمي فلان بس! والغوك من القائمة لانك بنظرهم من يبيك اصلا!!!! ولا اللي تبي تزوجك اي رجال حتى لو الله يسترنا مايصلح ابدا واذا رفضتي قامت الدنيا عليك ليه ترفضينه من يبيك اساسا لااحد!!!! واللي يخبون ملكة اولادهم واخوانهم عنك خايفين من عينك لانك ماتزوجتي!!!! واللي مقهورين منك ومايبونك بعد بعزايمهم او زواجاتهم خايفين احد يشوفك ويخطبك!!!!! واللي يتطنزون عليك بوجهك ويقولون مافيك شيء اصلا واللي تقول عمرك كبير وماعرستي من يطالع بعمرك وانتي بنهاية الثلاثين! واللي تقول انتي اخذي اي احد حتى لو ماعنده وظيفة تلاحقي عمرك! واللي تقول الرجال الاعزب والمطلق وحتى المتزوج عندهم شروط ويبون صغار مايبونك!!! واللي تزوجوا واقطعوا صداقة سنوات طويلة بحجة اني ماابي الا صداقة متزوجات مثلي ماابيك! واللي يومها انخطبت وملكت شفتها بمول وانحاشت خافت مني! يااختي لو تطاوعين الناس اقسم بالله كل يوم بكي من كلامهم الجارح البذي بس لازم تتحملين وتصبرين وتحتسبين واجرك عند الله مو منهم! وتاكدي يمكن ربي يعوضك بالاجمل وافضل الازواج دينا وخلقا واخلاقا. لو هالزواج فيه خير لنا لعجله ربي لنا بس عسى ان تكرهوا شيئا وهو خير لكم. الله يعين الدنيا كلها ابتلاءات ونفسيات مالك الا الصبر انبسطي بحياتك واخذي دورات وعيشي يومك اذا لك شيء بتاخذينه انا مااكذب عليك اتاثر بالكلام وربي ابكي منه بس مااحاول ابين ضعفي قدامهم حتى مايستخدمون هالشيء ضدي اقهريهم وعلميهم انك مبسوطة وراضية باللي الله كاتبه وكلامهم ماياثر فيك! واللي ترمي عليك كلمة عطيها زيها هي اللي بدات تتحمل اذا هي شايفه عدم زواجك نقطة ضعف لك وتريقه عليك عطيها كلام مثله ونقاط ضعفها خليها تاكل تبن والبعد عن هالاشكال غنيمة اقل شيء راحة نفسية لك من القيل والقال والغيره والحسد انا حاليا ماعندي ولاصديقة كلهم مايكلموني ولايبوني ولايهموني اساسا عادي ادخل النت واقضي وقت فيه كان مو موجودين بالاساس! حتى واتس ماعندي احد يسال عني ومافيه الا اهلي! الكل غير رقمه وسحب علي والحمد لله مااهتميت فيهم اللي عنده رزقي يقطعه! الله يرضى علي وعليك ويسهل علينا ويرزقنا بالازواج الصالحين جميعا يارب وماتضل بنت بهالدنيا عازبه والكل ربي يرزقه باللي يتمناه قلبه