محتاجه نصايحكم مره

اشتغلي على نفسك كثير
اقري كثير كيف تطورين من شخصيتك ومن نفسك
ادخلي حسابات انستقرام و شوفي كيف تتعاملين مع طبيعه شخصيتك افهمي نفسك اول وبعدين طوريها


شوفي ايش عيوبك وطوريها عشان ما تتعبين
ضيفي حسابات حريم سنعات بالبيت وبالشغل فيه كثير
اجلسي مع حريم سنعات وخذي من اسراراهم بدون ما تحسسينهم انك ما تعرفين


مدري وش اقولك بس النت ملياااان مواقع تعلم وشوي شوي تلقين نفسك تغيرتي للاحسن ان شالله
شوفي يويتيوب و رح تتغيرين للافضل صدقيني

مبدئيا ممكن اساعدك جيبي ورقه وقلم واكتبي كل يوم ايش الشي الي تبغين تسوينه


حطيلك قائمه وكل ما خلصتي شي اشطبي عليه عشان تحسين بالانجاز
وبعد كل قائمه كافئي نفسك عشان تتشجعين مثلا قهوه وحلى او طلعه او اي شي تحبينه


لازم تخططين وتكتبين خططك و الي حابه تسوينه عشان تساعدك
والله يوفقك

طيب زوجك وينه من كل هذا..؟
مايدلي بدلوه..؟
هل هو بعد شخص فوضوي..؟
بالنسبة لبنتك وألعابها فلازم تكون بغرفتها
لاتعودينها تجيب ألعابها بصالة الجلوس.
وبالنسبة لك وش سبب الكسل اللي عندك..؟ الأمو مو بس دعاء.. دعاء ومع حركه..
لاتخلين شغلك ولا تأجلين شي
أول بأول وبتتعودين.. أول ماتصحين رتبي السرير وخلاص
أول ماتخلصين فطور ولا سحور غسلي المواعين ورتبي وهكذا .. لا تجمعينهم وتقولين بعدين..

(فاطمة بنت الرسول صلى الله عليه وسلم كانت تطلب في جاريه تساعدها في اعمالها فامرها الرسول صلى الله عليه وسلم انها تقول : سبحان الله ٣٣ مره والحمد لله ٣٣ والله اكبر ٣٣ مره واكمليها بلا إله الا الله قبل ما تنامين وتصبحين وربي ييسر لك امرك ) في معنى الحديث
عن تجربه مني ربي ييسر لي شغلي كثير بعد هذا الحديث وع قول البنات ما قصرو نصايحهم حلوه سوي كل يوم شغله وقفلي الغرف اللي مالها داعي والشغل اول باول ييسر لك باقي شغلك والله يعينك وييسر لك اتركي الجوال لا تقعدين عليه كثير ومو لازم اي احد يرسل تردين عليه بنفس الوقت خلاص اجليه لين ما تخلصي شغلك او خلي القعده ع الجوال جائزه لك بعد شغلك وشغلي القران وانتي تشتغلين وحددي لك وقت معين تخلصين المطبخ في الوقت كذا ع حسب كثير او قليل يتفاوت الوقت والبيت نفس الفكره والله يعينك

نظمي وقتك
وخصصي وقت الصباح للتنظيف ونومك مع نوم البيبي وخلاص