قريباتي وطبع زوجي 💔

الله يرزقك بتوائم أولاد وبنات ويحنن قلب زوجك عليك ويسخره لك

طيب جربتي
انج تقصرين بشي من حقوقه
يعني
الغداء مو مضبوط
العشاء يتأخر
الفطور ما اجهزه
غرفة نومج ماترتبينها

حسسيه انج طفشانه
تعبانه
قولي مثل ماتبي انا ابي
اذا ماتوديني وتمشيني منو يطلعني


تبي حقوقك وانا ابي حقوقي


طبعا نسيت اقول نقطة ..بهدوووووووء تناقشينه مثل لما تشتكين لأمج انج متضايقه 😭
مو معصبه وطلعني ومشني 😤🙈

اذا مانفعت هالطريقه
حسسيه انج دخلتي مرحلة الاكتئاب 🙊
شلوووون؟
خلي البيت مظلم انتي دايما نايمه او متمدده بالصاله
ماتبين تروحين حتى لأهلج
قولي محد فاضي لي
الناس كلها ابي تطلع تبي اتمشى
انا خلني نايمه 😭😭


اختاااااه
اين انتي من كيد النسااااااااء😉✔

إن شاء الله يتغير زوجك للأفضل ويوديك للمكان اللي تبين

الله يهدي زوجك ويصلحه يعني اللي يمشي زوجته مو رجال , تفكيره خطأ وها الكلام اكيد من رجال نفسه شاطرين الرجال يسمعوا لبعض ويخربون حياتهم الزوجيه على بعض .
طبعا تفكير زوجك خاطئ , ومن حقك تسافرين , تعيشين حياتك انتي واولادك وتنبسطون كمان , ومافيها شيء لو الواحد كسر روتينه , وانتي اصري عليه يخليكي تطلعين الحديقة والمطعم انتي والأولاد

ونظمي نوم الأولاد عندك , واذا زوجك ما رضي , سوي بنفسك بالبيت لا نيمتي الأولاد , سوي عشاء مرتب لك وله , وشموع وجلسي معه , يمكن شوي يحس بنفسه ويصير مع الوقت يغير لك جو .
قولي له مثلا انا ناوبة نطلع مع العيال نتعشى ونغير جو , او ببيتك سوي عشاء واعزمي اهله , وغيري جو , ويعني الواحد مو حلو يكون رسمي حتى لو طيحتي معه الميانه المفروض خلاص يتعودون عليك لأنك فرد من عائلتهم صرتي يعني قصد على اهل رجلك , حاولي تطلعين المشغل تغييرين من اللوك , خلي اولادك بحديقة البيت وحطي لهم العاب ورتبي نومهم وجلسي مع زوجك وتفرجي على فيلم وكذااا وان شاء الله تكسرين الروتين للأفضل وتحسين بمستوى التغيير وراح تشوفينه هو بنفسه بيجي ويقولك يا فلانه قومي جهزي نطلع اليوم انا والعيال ,.
ولجيتي تطلعين الحديقة سوي خفايف لأولادك , واعطيهم فسار شيبس وطلعي وصوري انتي واولادك وخذيلك ذكريات السعادة تكون احيانا باللمة مع الأشخاص اللي تحبين , واحيانا السفر فقط تغيير بسيط ولكن مايحسن بمستوى السعادة اللي منبعها الراحة .
لها السبب اقولك فيه اشياء بسيطة تغير الأمور مثلا اشتري خيمة الأطفال وخذيها لأولادك بالحديقة ’, يلعبون ويغييرون جو , وانتي وزوجك تجلسون وخذي معك حلا وقهوة وشاي وتغييرون جو .

الله يفرجها عليك ويغير حالك للاحسن وتتيسر امورك ويرزقك بكل ماتتمني يارب