الحقوني امانه قولو ايش اسوي

اطلبي من المشرفات ايعدلن موضوعك او ادخلي تعديل الموضوع ومسحي الي كتبتيه

ياحبيبتي الله يسخره لك ..
اول شي اكبر غلط سويتيه ومالك حق انك تفتشين من وراه هذي خصوصياته وشي من الماضي قبل يرتبط فيك ..
الشيطان لقى عليك درب ويبغى يوصلك لمرحلة الطلاق لانه مايرتاح الا لما يفرق بين المرء وزوجه
فاسمعي نصيحتي ولاهانو البنات الله يسعدهم طبعا ماقصرو ونصايحهم عين العقل لكن بقولك كلمتين يمكن تصحيك من اللي انتي فيه
اولا .. هالبنت حبها قبل يعرفك ويشوفك وتعلق بها والرجال طبعه او غالب الرجال طبعهم اذا بغى الشي ولا حصله يصر على انه ياخذه وانه هالشي له وصار ملكه لكن وقف بينه وبينها ابوه وابوها فتراجع لكن صارت زي الغصه بحلقه طبيعي ماراح ينسى وطبيعي راح يتذكرها كل وقت والشي الوحيد اللي بيبرد على قلبه هو القصيد .. فانتي لاتكتمينه اتركي له مساحه يفضفض لنفسه ..
ثانيا .. انتي هذا دورك انك تملكين قلبه وعقله وفكره البنت خلاص بتتزوج وبتعيش حياتها وبيملكها رجال ثاني فطبيعي راح يتازم نفسيا (يمكن كلامي قوي لكن انا اعطيك الواقع اللي انتي فيه ) انتي خليك جنبه ولاتتجسسين عليه املكي قلبه وعقله وروحي احتويه وتغاضي تراها فتره وتروح والرجال ترا بسرعه يخطف قلبه اذا دخلت وحده حياته وملت قلبه .. والله العظيم ان صرتي حوله واحتويتيه راح تملكين قلبه وراح يتعلق فيك وراح ينساها ..
هذي شطارتك هنا حبيبتي تظهرين نفسك وقد ايش تحبينه تقدرين تملكين قلبه واياكي اياكي تفتشين وراه اتركيه ع راحته خليه يكتب ويكتب ويكتب ويقصد هالشي يبرد عليه .. مع الوقت راح ينسى ..
وترا سنتين موب شي مده قصيره ترا ماراح ينسى بيوم وليله وانتي اخطيتي يوم واجهتيه الدليل انه كذب عليك وانتبهي يغبي عنك .. كوني صديقته كوني صندوقه بالتدريج راح يقرب لك وبفضفض لك بدل مايفضفض لغيرك .. تحملي شوووي عشان تطلعينه من الازمه اللي هو فيها
وبهالفتره سافرو لايصير بنفس المكان اقنعيه تسافرون عشان تطلعون من هالمنطقه ويمر فتره الزواج
الموضوع جدا بسيط ولافيه خيانه ابدا بالعكس زوجك انسان نظييييف وحبه عذري وهالشي صار قبل يعرفك فانتي قدري هالشي وصدقيني كلامي عين العقل اذا اتبعتيه ومشيني على اللي اقول اقسم بالله بتدعين لي .. حياتك لااحد يخربها عليك انتي حرمه عاقله وواعيه وطيبه وفيك الخير والدليل صمتك الى الان بعد ماقريتي القصيده وصبرك والله اللذي لااله الا هو خساره يخسر هو جوهره مثلك المساله يبي لها صبر وقوه قلب وهو راح يشوف وقفتك معه ..
واطلبي من الاداره تحذف موضوعك وانسي هالشي وحلي موضوعك بنفسك انتي قدها وقدود ..
وعسى الله يسخركم لبعض ويقربكم لبعض ولايشوف غيرك ويعلق قلبه فيك ..قولوا امين

اذا تبين موضوعك يحذف روحي لقسم الشكاوي والاقتراحات ونزلي موضوع تطلبين فيه حذف موضوعك هذا واذكري القسم اللي كتبتي فيه باذن الله الاداره تحذفه لك

لا لا لا. ولاتفكري تتركي بيتك وزوجك. الرجل تقولي مافيه عيب واموركم ماشيه. والكمال لله
استقري في حياتك واستمري واسعدي نفسك وزوجك. وكأنك ماتعرفي اي شي
الحمدلله كانت علاقه شريفه في حياة زوجك. وقدر الله خير. البيوت مليئيه ب الخيانه
والحريم ماسكين بيوتهم. وانت ماعندك اي سبب تتركين بيتك

قال الله تعالى ولاتجسسوا
اتركي البحث من وراء زوجك. علشان ترتحي
صدقوني التجسس. مامنه اي فايده