صمت الزوج
سلام عليكم ..انا متزوجه ولاعندي عيال واحس اغلب وقتي متضايقه من نفسي لاني اغب وقتي بروحي ولاعندي احد اسولف معه حتئ زوجي ماقد عطاني وجه ومحرومه من الطلعات بسبب شغله واحس اني مو مثل الناس نطلع ونبسط لانه اغلب وقته في دوامه واذا جا البيت ساكت ولا ع جواله ولا يسولف معي واذا فتحت معه موضوع قلبها مشاكل واحسه يقلب فجاه ومادري كيف اتحمله صارت نفسيتي مره تعبانه والقولون عندي مره متعبني بسس اني اكتم في نفسي صرت اكرهه لانه ماقد عبرني ولا حسسني اني زوجته واذا يبغئ يطلعني وداني عن اهلي وبس ولاغيرها المشكله مايحس اني جالسه بروحي واذا قلت له ذا الشي قال وش تبغني اسوي لك،،،، وهو طلعاته لحاله مع اصحابه ينسبط معهم و كم مره حاولت اقله وافضفض له ماحسيت باي نتايج معه مادري احسه نفسيه،،انا الي احتاجه احد اسولف معه مع مو شرط اطلع وابغئ احد يعبرني احس وجوده في البيت مثل الصنم ،،،وصار اغلب وقتي عند اهلي مادري ليش تزوجت ابغئ حل معه