تعقيب على موضوع حرق قلبي وراح

كويس اذا معاك مستشار انتي ماشية صح

اسأل الله العظيم ان يشرح صدرك وييسر امرك وان يجبر كسر قلبك وان يقويك ويعينك

اعرف شعورك بالانيهار والخذلان والضياع وتحسين كأنك في كابوس لكن ثقي بالله العزيز الجبار انها بتكون سحابة صيف وربي بيبرد على قلبك ويجيك الفرج بإذن الله قريب

اللي صار صار قولي الحمدلله على كل حال واحتسبي الاجر ولا تتعبين نفسك بالتفكير وحديث النفس وتبحثين عن اسباب ليش وكيف ... الخ خلاص هو شي وصار والحين انتي قدامك واقع لازم تتقبلينه استعيني بالله وتوكلي على الله وواجهي هذا الوقع بقلب مؤمن راضي بقضاء الله وقدره .

انتي مؤمنه واكيد تعرفين معنى ( لا حول ولا قوة الا بالله ) .

وانا اقول مثل ماقال الاستشاري لا تتطلقين ولا تخلعين خليك بالبيت مع عيالك وتصبري وكوني قويه عشان عيالك لانهم اذا شافوك حزينه يتعبون ويحزنون اكثر منك ترى الاطفال اذكياء خليك قويه وانشغلي فيهم وحاولي تسعدينهم وترفهين عنهم منها تنسين همك شوي .
انتي الحين بأمس الحاجه لناس توقف معك وتساندك والحمدلله اشوف اهلك حواليك ماهم مقصرين ومساندينك باللي تبينه وتشورين عليه وهذي نعمه بحد ذاتها .
اذا جاء اخر الليل توضي وصلي ركعتين واجلسي على سجادتك ارفعي يدينك لمدبر ومسير هذا الكون ومن عليه ارفعي يدينك لرب العزه والجلاله وناجيه وبثي له همك وحزنك واطلبيه ان يغفر لك ويعفوا عنك وان يلهمك الصبر والرضى وان يجعل لك في امورك كلها خير وسلام وتيسير واطلبي حاجتك .

الدعاء باب فرج وتيسير

والمصايب والابتلاءات تزيد المؤمن ايمان بالله ورضى وقناعه وتظهر صبره فترتفع منزلته ويؤجر على صبره

المصايب تجعل المؤمن يتقرب الى الله اكثر بالصلاة والدعاء والصدقه وتلاوة القرآن والاعمال الصالحه



يا اختي اصبري واحتسبي الاجر وألزمي بيتك وتوجهي لله عز وجل وعلقي قلبك بالله فقط ، واهتمي بأطفالك هم أمانه عندك حتى لو ابوهم تخلى عنكم وجرى خلف رغباته وشهواته

اسئل الله ان يفرج همي وهمك ي رب ويصبر ويربط على قلبك

ما اقول غير الله بيني وبينك

اسئل الله ان يفرج همي وهمك يا رب ويصبرك ويربط على قلبك