تعقيب على موضوع احس حالي متورطه ومشتته

حبيبتي محد ملام غير زوجك أهلك مالهم دخل أنا بطفلي الثاني جبت شغاله ورحت عند اهلي اذا مااستحيتي من أهلك زوجك ماراح يستحي جزاها امك خير اهتمت فيك لين صرتي أم تبينها تهتم بخمس اطفال وانتي نفاس وطفل جديد والله حرام كثير عليهم استحي منهم لا امك ولا خواتك ملزومين بعيالك حتى لو قالوا بنهتم جيبيهم والله ماأجيبهم أهلك اذا ماعزيتيهم وحطيتيلهم قدر زوجك ماراح يقدر بيشوفهم خدم لعياله يمنعك من المانع وعياله على راس أهلك معطيته وجه بزياده هو يشيل هالهم ويدور شغاله تهتم بعياله قوليله تبي عيال ورى بعض جيب اللي يساعدني فيهم اهلي مو خدم لعيالك ولا بيت أهلي حضانه ارحمي اهلك والله خمس اطفال ورى بعض امهم ماتتحملهم .. كلميه خليه يدور شغاله لعياله هذا الحل الوحيد لمشكلتك اللي تقولك علميهم ربيهم خلاص مافيه وقت للتعليم والتربيه انتي على وجه ولاده ويالله تشيلين نفسك خلي زوجك يدور شغاله او شغالتين وحده لك وللبيبي ووحده للأطفال .. والله يقويك

اللي يتكلمن عن السعوديات بالموضوع بقلة احترام لاتعممين انتي تتكلمين عن امك وخواتك ماشفتي احد غيرهم اذا انتم متربين بوسط وسخ الله يعافيكم منه ولايبلانا والدليل ردودكم الهمجيه اللي توضح وسطكم والحشمه والستر لله ماهو للناس


صاحبة الموضوع كان الله بعونك

يابنت الحلال انا ماقلت اهلي يقومون فيني وفي عيالي انا شرهت على اهلي لانهم ماهم راضين يمسكون ولدي الصغير يوم واحد بس حتى اطلع من المستشفى وارجع بيتي انا ماطلبت منهم يقومون فيني وفي عيالي ويخدموني اصلا حتى لو جيتهم نفاس كل المرات الماضيه كنت اقوم بنفسي وبعيالي من ثاني يوم بس لاني كنت اعاني من مضاعفات بعد الولاده مضطره ابقى عندهم لو احتجت شيء الاقي من عندي زوجي مو دائما معي وحتى بوجودي عندهم اكلنا وشربنا انا وعيالي على ابوهم ماناكل مع اهلي الا نادر جدا اذا هم جابولنا اكل والا ما اطلب بالعكس زوجي يجيب انا واعطيهم واحيانا غداهم وعشاهم عليه وماهو مقصر معاهم في شيء اقسم بالله حتى السباكه والكهربه في بيتهم هو يسويها واذا احتاجوا شيء اكلمه ويجيبه لهم ولايرضى ياخذ ريال حتى الحلويات والتورتات يجيبها لهم ووالفواكه يجيب بالكراتين وشبه يومي ولانقصر عليهم بشيء وكلها اسبوعين بالكثير وانا في بيتي .
انا مالمتهم عشان ماهم راضين يخدموني انا شايله هم ولدي الصغير من ينتبه له لحد ما اطلع من المستشفى ابوهم يمكن مايكون موجود وقت روحتي المستشفى والطريق من نجران للباحه مسافه طويله وين اخلي ولدي لاحولي اهل ولا جيران وحتى اخوات زوجي مسافرات وام زوجي ماتقدر تقوم بنفسها عشان تاخذ ولدي ذاك اليوم واهلي حالفين ماياخذونه وهم اللي يسلكون لي طول المده عشان اسكت ولا احن على شغاله من زوجي امي توعد انا باخذه وبشريله سياره والعاب ومكعبات وبجلس معه في غرفه اخليه يلعب فيها والعصر بطلع امشيه الحوش واختي تقول باخذ بنتك اللي اكبر منه وبوديها الحديقه تلعب وبهتم فيها وبجيبلها العاب ومن ذا الكلام وبعد ماجاء وقت الجد قالولي مالنا شغل في عيالك حتى الوقت ماعد يسعفني اجيب شغاله تكلمت مع ثلاث وحده ماعجبها بيتي لانها تبغى غرفه خاصه فيها وبمفتاح وانا بيتي يادوب ثلاث غرف وخصصت لها غرفه مافيها الا دولاب ملابس ورفضت تجلس فيها والثانيات اتفق معاهم واخرتها مايستمر الاتفاق اذا رحت اجيبهم يعتذرون بأنهم في شغل ثاني ماعندهم مصداقيه في التعامل والشركات من بيروح يراجع فيها واصلا مافي وقت

وعلى كل حال بيتي ورتبته وعيالي كل واحد يعتمد على نفسه واصغرهم ماني عجزانه عنهم ودبرت اموري حاليا لاكن وقت ولادتي هذي مشكلتي وبعد ما اطلع من المستشفى يومين اجلس تعبانه هذا اذا ماجتني مضاعفات وجلست بحسرتي

صادقة والله
قالت شو
حما يالسعوديات راضعين حقد وكراهية
و روحي خذي لج فرة فالمنتديات المصرية والمغربية

مالت بس

الله يكون في عونج يا رب