لاجمال بدون غذاء

خذي بقضبة يدش مكسرات متنوعه : كاجو. فستق.لوز.جوز زبيب.الي تبين (اجرشي بالهاون اللوز عشانها قوية )
بس تكون المكسرات غير مملحه ولا محمصة
تكون على طبيعتها عشان لا تخسر الفوايد بالتحميص ولا تصير مضرة بالتمليح
روعه المكسرات لكل شي لصحه وللبشرة والعيون والشعر والاظافر
وقبل كنت اكل فواكه مجففه مثل التين والمشمش والقراص بس الحين اسناني ما تتحمل النتش والحسك اخاف ينخلعون وطيح الحشوات بعد

مشكوره جزاك الله خيييير اكل الفاكهه خصوصا انها محببه اكثر من الخضروات وشرب المويا بعد كل صلاة والمشي ساعه على الاقل.

تبون الصراحة!
موفي كل الاحوال .. ولا كل الأجسام تتشابه
قبل سنتين فكرت أغير نظامي ١٨٠ درجة
انام الليل ٨ ساعات + اقلل من الاجهزة ٤ ساعات باليوم + رياضية بشكل يومي + اكل صحي وفواكه وخضار + مويه ٣ لتر باليوم
بعد شهرين فقط نحفت ٩ او ٨ كيلوا وصار وزني مثالي
بالنسبه الموية الى الان لانها صارت عادة عندي يعني اقل شئ باليوم لتر ونص والأغلب لترين
والله مافرقت بشرتي ابدًا ولو شئ خفيف ولا لاحظ احد اي تغيرات غير الوزن وجاني احباط لاني احب الحلا بشكل جنوني ومن كثر ماتعود عليه جسمي صار اليوم الي ما اكل فيها تجيني دوخه فكان عندي جهاااااااد قاتل ناحيته هو والبطاطس حافظت على بعض العادات مثل الموية والفواكه والخضار بشكل يومي والرياضة ٣ ايام بالاسبوع لي سنتين ولا فيه فرق ،، فمو شرط
وصدقوني الكلام الي فوق كله مولتحبيط احد وإنما نصيحة لوجه الله يابنات انا عارفة علتي وهي الحالة النفسية.. يابناااات عنصر اساااااسي اساااااااسي اسسساسي للشكل بشكل عام
حاول تخففون قلقكم النفسي باقل مستوياته عن طريق الخشوع في الصلاة وذكر الله
وبعدها توكلوا على الله وأمسكوا طريق الحياة الصحية

معك حق قريبه لي بشرتها صفاااااااااااا فوق ماتتصوري لدرجه ما تحط ميك اب وقت الاعراس مجرد روج ومسكره وهي تسهر وعلاطول عالجوال وتكثر من الاندومي الي يشوفها مايحسب هذا نظامها

أهم شي تكون تاكل أكل صحي وتبعد عن السكريات والدهون تلعب رياضة مشي