السلام عليكم
بنات أنا تعبت من كثرة التخبيص بالرجيمات حدي يومين ثلاثه و أخبص
مدري شفيني مو قادرة التزم بشي معين
خصوصا اني اشارك عيالي بالاكل
وزني 103 وط ولي 153
محتاره حيل و ضايعه و مخبصه
معاناتي مع السمنة من يوم كنت برابع ابتدائي الحين انا مخلصه الثانوي من 10 سنين وعندي عيال ..
ما اطلع من البيت الا للضرورة و حركتي ما تتعدا شغل البيت والطبخ وغسيل الحوش والمراكض ورا عيالي لانهم صغااااار مايدرسون
ماني قادره اخفف اكل ..المشكله ان كل اكلي نقنقه (تسالي) وخرابيط..ماعندي وجبات رئيسيه ...
شاركي في النقاش
سجلي الدخول لإضافة تعليق.
التعليقات
8- ان شاء الله بتنحفي خلينا تتجمع مع بعض و بعد العيد أن شاء الله نعمل جروب
- مره قصيره ووزنك كثير ماشاء الله تبارك الله على طولك لازم تنتبهين لنفسك السمنه مرض الله ينحفنا أجمعين من غير شر يارب
- انسي كلمة رجيم وابدي بنضام صحي متوازن
وأضمن لك خلال ست شهور توصلي للوزن المثالي
اولاً خلي اربع ساعات بين الوجبات لاتاكلين نهائي فقط ماء ماءمثري منه
الفطور خليه نصف رغيف خبز قمح مع لبنة وزعتر او زبادي قليل الدسم او بيضه مسلوقه وكوب شاي بسكر ستفيانا
الغداء رز مسلوق مع سلطة وايدام مكون من كوسا والزيت قليل جدا
العشاء لبن قليل الدسم وشابوره ثلاث حبات
اذا حسيتي بالجوع الشديد كلي سلطه مكونه من خيار جرجير خس ملفوف قليل من الطماط - والمشي لازم يوميا ابدي بنصف ساعه لين ساعه مع حركه للايدي
- تخبصين لانك تسوين رجيمات تجوع ولان اكلك نقنقه هالشي ماينحفك ولايحسسك بالشبع
شفت مره في برنامج اجنبي وحده متينه وبس تاكل وجبه في اليوم وباقي اكلها شي لايذكر ومانحفت قالوا لها كذاا تعرضين نفسك للسكر وماراح تنحفين وجسمك مايحرق دهون كذا ابدا
انصحك جربي رجيم النقاط اقري عنه كثثييرمره ممتع وفيه حريه لك باختيار اكلك ومن اكل البيت تاكلين بس الجديد انك بتخلين الحليب واللبن والجبن قليل الدسم عشان نقاطك تكفيك
بدال ماحط ملعقة جبن سايل في السندوتش حقي بتطلع علي الملعقه بنقطتين
اوفر على نفسي واحط جبنة فيتا قليب الدسم وملعقه كبيره مليااااانه بتطلع علي هالملعقه كلها نقطه فقققط
بدال ما اكل توست ابيض الحبه تطلع علي بنقطتين اكل توست بر الحبه بنقطه وهكذا
لكن لاتسوين مثل البنات اللي يبدؤن بنقاط قليله من٢٥نقطه وتحت هالحسبه غلط وتنفع للي يبون نزول سريع بس تجوع لان بكره اذا نزل وزنهم كثير نقاطهم بتصير قلييله مايتحملونه
الحسبه الصحيحه شفتها بتجمعات قديمه للرجيم تجمعات طيفي لرجيم النقاط
هي انك تضربين وزنك ب٢،٢ بكذا يتحول وزنك من الكيلو للباوند ، يعني ضربنا ١٠٣ في ٢،٢ الناتج ٢٢٦،٦
وخذي ايسر رقمين اللي هم ٢٢ وحطي فوقهم ٧ او ٨ نقاط بس انتي حطي فوقهم ٧نقاط بما انك قليبة الحركه وطولك اقل من ١٦٠ بكذا وتصير ذي نقاطك اليوميه ٢٩نقطه وتراها كثيره وتشبعك بس تكونين ذكيييه في اكلك الكوفي مثلا توفرين لك نوع بدون سكر وانتي اتحكمي بكمية السكر كل يوم قلليها
ابدأي بالتدريج حتى لو خبصتي كم يوم ارجعي التزمي فيها بتلاقين نفسك تلقائي تعودتي
تقدرين توفرين منها كل يوم٣نقاط واخر الاسبوع تجمعينها مع نقاط اخر يوم وتعتبرينه يوم مفتوح
هالنظام مشهور وله تجمعات هنا بس اللي هنا يحسبونه بطريقه غير واللي قلتها لك هي الطريقه الصح للحسبه وكل مانقصتي ٥كيلو ارجعي اضربي وزنك الجديد في ٢،٢ وسوي نفس الحسبه
وعشان ينجح معك خليك ذكيه في اختيار نقاطك يعني بدال ماتاكلين فقط كبسه ولحم كل يوم وتقومين ماشبعتي يوم سوي رز ابيض بدون نقطة زيت بكءا يصير كل خمس ملاعق رز ابيض بدون زيت بنقطتين
وسوي لك جنبها ايدام خضار تكونين طابخته بملعقتين زيت وشايله جلد الدجاجه
تقدرين تاكلين يوميا بطاطا مشويه بالفرن تقطعينها وتحطين فوقها ملعقة زيت وبهارات وتحمرينها لين تصير مقرمشه واتهني فيها جنب اكلك
تقدرين في هالنظام تستبدلين الحلى بتمر وفاكهه تقدرين تسوين حلى بس مكوناته سكرها ودهونها قليله
السر فيه كل ماكثرتي خضروات كل مانحفتي يعني يوميا احرصي يكون طبخك فيه خضار واحسبي احتياج جسمك للبروتين اقرأي كثيير عن البروتين بانواعه حيواني نباتي او مكمل غذائي
لان اغلبنا مانعرف عنه وعن اهميته شي بينما هو بيساعدك تنحفين ويشبعك
واكبر سبب لنجاح هالنظام انك تطبخين في بيتك مايمنع تاكلين من مطاعم بس اكل بيتك يخليك تقدرين تحسبين النقاط صح ولو سويتي رياضه معه راح تضمنين ان نزولك بيكون حل
تلاقين في الانستغرام حسابات للنظام هذا تساعدك في اكلك وتساعدك تسوين سناكات وتابعي حساب المدرب عبدالله الشيرازي في حسابه تمارين للاوزان الكبيره تسوينها وانتي جالسه على كرسي
وتلاقين في حسابه معلومات تصحح فكرتك في التغذيه والتخفيف
وشيلي من بالك النزول السريع اقل شي قولي لنفسك لو كل شهر انقص كيلوين ارحم من لاشيء
مواضيع مشابهة
تابعي تجارب أخرى من هذا القسم.