~-~[تجمع النحيفات]~-~

جربو حليب الموز والله ان مفعوله زي السحر بسرعه ينفخ الجسم والخدود

حليب موز الكرتون الجاهز
ولا تخلطي بالخلاط حليي وموز ؟؟؟؟

يسعد مساكم ياخفيفين الدم والدسم 😁
كل عام وانتم بخير
الله يعيده علينا واحنا باتم صحة وعافية




وزنت اهئئئ نقص كيلو
يلا الحمدلله ربي كاتب هالشي الحمدلله الحمدلله الحمدلله على نعمة العافية وعلى كل النعم التي لانحصيها

عندي لكم كلااام بس روقي واقريه بهدوووء
لازم نتقبل ذواتنا ونحبها ونكون اقوياء داخليا متفاءلين متحمسين
((حبي نفسك وقولي انا ابغى اسمن عشان اصير حلوة وعشان اوصل لهدفي 👸))
صحيح كلام الناس يجرح انتي خليه دافع لك وبس
لايكون هدفك عشان تسكتينهم انا صراحة كان هذا هدفي لاني انجرحت حتى من اقرب قريب
بس حسيت اني كذا استهلك جهد جهد كبير لنفسي وراحتي وسعادتي جهد ياخذ راحة بالي
يعني النفسية لها دور واحنا ناكل من هنا ونحرق بداخلنا
لازم الحين يكون قرار بينك وبين نفسك يكون هالكلام
💞انا جميلة ورشيقة والحمدلله اني بصحة جيدة كثير من السمان يتمنو ينحفو وانا اطلع ع الميزان خفيفة وبالي مرتاح ومااشيل هم حلا واكل لذيذذذذ 😋 ولما اكل مااحس بتأنيب الضمير ولو اوصل لهدفي راح اكون اجمل بنت في الدنيا💞 طبعا هالكلام بينك وبين نفسك عشان مايكون غرور لما يسمعو الناس اجمل بنت بالدنيا المهم بينك وبين نفسك
يابنات مافي اشد من نقص الثقة على نفسيتك حياتك وقلبك ...
خلاص عرفتي ان فيك نقطة ضعف اشتغلي عليها بهدوء وبكل امل ☺ مو بالشدة وتعذبي نفسك بأكل ماتحبيه او تغصبي نفسك على شي ماتطيقيه
خلاص ممكن تاكلي حاجتك من الاكل الصحي للجسم صحي بس قلت حاجتك
اما على الزيادة وتغصبي نفسك لا انا اقول اكتبي قائمة للاكلات اللي تحبيها طبعا ماتكون ضارة يعني قلنا نحب انفسنا ماراح نجيب لها شي يضرها طبعا ودلعي نفسك فيها كل يوم هي اللي تستحق تحفزي نفسك عليها وتزيدي فيها ولو قسمتيها مرتين المهم تاكلي منها الكثييير عشان يزيد الوزن وووبكذا
راح تكون الزيادة الجميلة المتصالحة مو بالعنف والغصب والانتقام ..
🤔شوفي نفسك يوم كان وزنك حلو -اقصد اللي كان وزنها حلو ونحفت - تذكري انك وصلتي لذاك الوزن بدون جهد ابد استمتاع بالحياة ومااخذتي ببالك وصلتي لهذاك الجمال بكل راحة وتصالح مع نفسك وسلام ... وهذا اللي راح يصير الحين بإذن الله ☺☺
خلونا كل يوم ندخل نحمس بعض للوصول للهدف وليس للهروب . نفتح عيوننا للجانب الحلو ونتشارك الاستمتاع ونعين بعض عشان هدفنا الواحد
اما الناس وكلامهم خليه اخر شي تبين تتخلصين منه وحطي الهدف عشان تسعدي نفسك وتكوني جميلة لانك تستحقي الافضل ليكتمل جمالك ... لانك لو سمنتي اليوم بيجوك بسالفة ثانية بكرة وماراح نخلص منهم لو سمعنا كلامهم صح فيه بعضهم راح يسكتو بس فئة المحطمين راح يستمروا معك فاطنشي واسمعي منا وخرجي منا انتهى .
خلي عندك حصانة داخلية من الانتقاد وخلونا نتشارك باجمل الردود عليهم تسكتهم نخرج من الحوار براحة بال
يعني انتو مصدقين ان كل من انتقدك يبي مصلحتك وبيرتاح لما يشوفك وصلتي للوزن المطلوب لاااا طبعا اكيد فيه ناس ومو كلللهم بس فيه فئة تبي تحطمك تبي تنتقدك او ممكن غيرانه او ماحصلت الا هذي نقطة الضعف تبي تدخلك فيها عشان تحجب عنك النور وماتتحركي من مكانك .. اذا احد قال لك نحفانة قولي صح ماسمنت بس قاعدة اسمن 😄.. او مثلا مرا احب شكلي كذا نعومة لاحقين الربربة 😉
ووزي كذا ارسلي رسائل ايجابية لك ولغيرك لاتكوني انت وهم عليك لا حبيبتي وقفي
ان حصل خير وبركة وان ماحصل قدر الله وماشاء فعل الحمدلله من رضا فله الرضا ومن سخط فله السخط وكل ماتزيدي وزن احمدي اللي انه وفقك .. (ولأن شكرتم لأزيدنكم ).ربي اكرم وارحم مماتتصوري
كفاية يابنات جلد للذات مو كفاية اللي قد صار لنا ونقد جرح خواطرنا نقوم نجلد انفسنا زيادة
اذا بيكون هذا تفكيرنا ابشركم ماراح تزيدون ولو زدتو راح ينزل بسرعة😑 ...
ف لازم تتعدل النظرة عشان تتعدل الاوزان 😍😍
دعواتي لكم بصحة جيدة والله يبارك لكم في صحتكم واعافيتكم ورزقكم ويزيدكم من فضله ....
وبس كلام خرج من قلبي ومن تجربة يارب يوصل قلوبكم ويغير فيكم ولو الشي القليل ..



دمتم ب ود ياأخوات الهدف 🌷

وأنتِ بصحه وسلآمه ❤